سه‌رۆكی‌ یه‌كێتی‌ ناوه‌ندی‌ تۆپی‌ پێی‌ كوردستان ده‌ستی‌ له‌ كاركێشایه‌وه‌




پێشمه‌رگه‌ سپۆرت -

له‌ كۆنگره‌یه‌كی‌ ڕۆژنامه‌وانیدا سه‌فین كانه‌بی‌ سه‌رۆكی‌ یه‌كێتی‌ تۆپی‌ پێی‌ كوردستان ده‌ستی‌ له‌ پۆستی‌ سه‌رۆكایه‌وتی‌ یه‌كێتییه‌كه‌ كێشایه‌وه‌ هاوڕێ له‌گه‌ڵ سه‌لام حوسێنی‌ سكرتێر و دوو ئه‌ندامی‌ دیكه‌ .

سه‌فین كانه‌بی‌  له‌ سه‌ره‌تادا وه‌كو پەیامێک بۆ  ئەوانەی دەیانگوت یەکێتییەکەیان بە تاپۆ گرتووە و بوێری دەستلەکارکێشانەوەیان نییە و وتی  نزیکەی 17 ساڵە لەم یەکێتییە هەورازی و نشێوی زۆرمان بینیوە، زۆر زەحمەتیمان چه‌شتووه‌ و شانازی بە کارەکانمان دەکەین ، بەڵام شەش تا حەوت جار دەستلەکارکێشانەوەمان پێشکەشکردووە  قبوڵیان نەکردووە و نەیانهێشتووە بڕۆین.

كانه‌بی‌ له‌ درێژه‌ی‌ قسه‌كانیدا ئاماژه‌ی‌ به‌وه‌كرد كه‌ ئه‌م بڕیاره‌ ، بڕیاری‌ كۆتایی یه‌ و پاشگه‌زبونه‌وه‌ی‌ نییه‌ و سوپاسی‌ حوكومه‌تی‌ هه‌رێمی‌ كوردستانیشی‌ كرد كه‌ به‌رده‌وام پاڵپشتیان بوون.


PM:08:30:02/03/2021




ئه‌م بابه‌ته 1940 جار خوێنراوه‌ته‌وه‌‌