‌ڕۆژنامەی ئاس هەواڵێكی ناخۆش دەداتە بەرشەلۆنە




پێشمه‌رگه‌ سپۆرت -

ڕۆژنامەی ئاس سەبارەت بە پێكانەكەی پێدری هەواڵێكی ناخۆش دەداتە هاندەرانی بەرشەلۆنە.

شەوی ڕابردوو لە یاری یانەكەی بەرانبەر ئیشبیلیە خولەكی 70  پێدری بەهۆی پێكانەوە یاریگای بەجێهێشت و لە بەیاننامەیەكی فەرمیشدا یانەی بەرشەلۆنە ئاماەی بەوەكرد كە لە ماسولكەكانی قاچی چەپیدا دووچاری پێكان هاتووە . 

ڕۆژنامەی ئاس لە بارەی دۆخی پێدرییەوە ئاشكرای كردووە بە ئەگەرێكی زۆر دوو بۆ سێ هەفتە لە یاریگاكان دادەبڕێت و بۆ یارییەكەی ئیشبیلیە لە یاری گەڕانەوەی جامی شا ناتوانێت بەشداری بكات وهاوكات بەئەگەرێكزۆر لە یاری گەڕانەوەی قۆناغی 16ی چامپیۆنسلیگیش بەرانبەر پاریس سانجێرمان بێیبەش دەبێت .

ڕۆنامەی ئاس لەسەر دۆخی ئاراخۆ  كە لەخولەكی 80 بەهۆی ئازارەوە یاریگای بەجێهێشت بەرانبەر ئیشبیلیە دەڵێت پێكانەكەی ئەو ئاسانە و بە ئەگەرێكی زۆر دەتوانێت بۆ یارییەكەی ئیشبیلیە ئامادە بێت. 



PM:07:59:28/02/2021




ئه‌م بابه‌ته 2176 جار خوێنراوه‌ته‌وه‌‌