كاردانه‌وه‌ی‌ كومان پاش له‌ ده‌ستدانی‌ جامی‌ سوپه‌ری‌ ئیسپانیا


پێشمه‌رگه‌ سپۆرت -

ڕۆناڵد كومانی‌ هۆڵندی‌ وڕاهێنه‌ری‌ یانه‌ی‌ به‌رشه‌لۆنه‌ دڵه‌تنگی‌ خۆی‌ به‌ له‌ده‌ستدانی‌ جامی‌ سوپه‌ری‌ ئیسپانیا نیشان ده‌دات و ده‌ڵێت هه‌موو شتێكمان كرد له‌ پێناو بردنه‌وه‌ و به ‌ده‌ستهێنانی‌ جامه‌كه‌ .

له‌ پاش یارییه‌كه‌ و له‌ لێدوانێكیدا كومان وتی‌ : له‌ یارییه‌كه‌دا دوو گۆڵمان تۆماركرد ، به‌ڵام گۆڵی‌ دووه‌می‌ بیلباو له‌وكاته‌دا هه‌مو شتێكی‌ تێكدا .

كومان ده‌شڵێت: بێگومان زۆر نیگه‌رانیبن و بێ هیواین ، چونكه‌ نزیك بوین له‌سه‌ركه‌وتن و هه‌موو هه‌وڵێكماندا و له‌سه‌ر ڕێگه‌یه‌كی‌ ڕاست هه‌نگاومان ده‌نا، بێگومان یارییه‌كی‌ قورس بوو ، له‌ ده‌ستدانی‌ ئه‌م جامه‌ش هه‌نگاوێك نییه‌ به‌ره‌و دواوه‌ .

كومان دان به‌وه‌شدا ده‌نێت كه‌ تیپه‌كه‌یان پێویستی‌ به‌ چاكسازییه‌ له‌ هێڵی‌ دواوه‌دا .

له‌سه‌ر كارته‌ سوره‌كه‌ی‌ مێسیش كومان وتی‌: من تێده‌گه‌م له‌ ڕووداوه‌كه‌ به‌ڵام نازانم تا چه‌ند تاوانبار بوو.


PM:04:48:18/01/2021




ئه‌م بابه‌ته 1604 جار خوێنراوه‌ته‌وه‌‌