به‌ وێنه‌ : ئێواره‌ خوانێك بۆ سه‌رجه‌م تیپه‌ به‌شداره‌كانی‌ خولی‌ نایابی‌ باله‌ی‌ یانه‌كانی‌ عێراق




پێشمه‌رگه‌ سپۆرت -

به‌ ئاماده‌بوونی‌ هه‌ڤاڵ ئارام قادر خه‌بات لێپرسراوی‌ بۆردی‌ وه‌رزشی‌ یه‌كێتی‌ نیشتیمانی‌ كوردستان و دكتۆر دیار سدیق جێگری‌ سه‌رۆكی‌ لیژنه‌ی‌ ئۆڵۆمپی‌ هه‌رێمی‌ كوردستان و مه‌حمود ئه‌حمه‌د موراد جێگری‌ سه‌رۆكی‌ یانه‌ی‌ وه‌رزشی‌ پێشمه‌رگه‌ و جه‌مال عه‌لی‌ به‌ڕێوه‌به‌ری‌ وه‌رزشی‌ سلێمانی‌ و ئه‌دیب شكور لێپرسراوی‌ به‌شی‌ وه‌رزش له‌ مه‌ڵبه‌ندی‌ یه‌كی‌ یه‌كێتی‌ نیشتیمانی‌ كوردستان و كاوه‌ ئه‌حمه‌د سه‌رۆكی‌ یه‌كێتی‌ تۆپی‌ پێی‌ سلێمانی‌ و جه‌مال حاجی‌ ڕه‌شید سه‌رۆكی‌ یه‌كێتی‌ باله‌ی‌ سلێمانی‌ و له‌ نێو هۆڵی‌ لاله‌زار بۆردی‌ وه‌رزشی‌ یه‌كێتی‌ نیشتیمانی‌ كوردستان ئێواره‌ خوانێكی‌ بۆ سه‌رجه‌م شانده‌كانی‌ تیپه‌كانی‌ باله‌ی‌ یانه‌كانی‌ عێراق كۆمه‌ڵه‌ی‌ یه‌كه‌م ڕێكخست .

له‌و میوانداریه‌دا و سه‌ره‌تا ئارام قادر خه‌بات وته‌یه‌كی‌ پێشكه‌ش كردوو دوایی‌ به‌خێرهێنانی‌ میوانان هیوایی‌ خواست هه‌مووان له‌ شاری‌ سلێمانی‌ ئاسوده‌بن و هیوایی‌ سه‌ركه‌وتنی‌ بۆ ته‌واوی‌ تیپه‌ به‌شداره‌كانی‌ خولی‌ باله‌ی‌ عێڕاق خواست و ئاماژه‌ی‌  به‌وه‌شدا كه‌ یه‌كێتی‌ نیشتیمانی‌ كوردستان له‌سه‌ر ڕێچكه‌ی‌ خزمه‌ت به‌ وه‌رزشكاران كار ده‌كات و ده‌مێنێته‌وه‌ و یه‌ك ده‌ست كار بۆ به‌ره‌و پێشچوونی‌ ڕه‌وتی‌ وه‌رزش له‌ كوردستان و عێراق ده‌كه‌ین و ده‌بێت وه‌رزشكاران خزمه‌ت بكرێن تا ئه‌و كاته‌ی‌ سه‌ركه‌وتن له‌ پاڵه‌وانێتییه‌ ده‌ره‌كییه‌كان ده‌بینین .

پاشان خوانێكی‌‌ تایبه‌ت ڕێكخراو سه‌رۆك شانده‌كان سوپاسی‌ خۆیان گه‌یانده‌ بۆردی‌ وه‌رزشی‌ یه‌كێتی‌ نیشتیمانی‌ كوردستان و هه‌ڤاڵ ئارام قادر خه‌بات بۆ ئه‌و میواداریه‌ كه‌ بۆیان ڕێك خرابوو .


AM:12:13:08/01/2021




ئه‌م بابه‌ته 1804 جار خوێنراوه‌ته‌وه‌‌