ڕیشالە خۆڕاكيیەكان بۆ ژیانێكی ته‌ندروست


ته‌ندروستی‌ - 

ڕیشالە خۆڕاكیيەكان  «الیاف الغژائیه‌ -Dietary  faber » پێكھاتەیەكی  گرنگی  خۆراكن و بەشێوەو بری  جیاواز  لە  خۆراكەكاندا  ھەن ، پێكھاتەی  كیمیاوییان بریتییە  لەشەكری ئاڵۆز   كە ھەرس نابێت  لە  دەم و  گەدە  و دەگاتە  ڕیخۆڵەكان  بەبێ ھەرس بوون ، ڕیشالە  خۆراكییەكان دووجۆریان  ھەیە ، تواوه‌ و لە  ئاودا و وەكو  سێو  و  سێوی  ژێر  زەوی وە نەتواوە لە  ئاودا  وەك ئەوانەی  لە سەوزەكاندا  ھەن .

بەشێوەیەكی  گشتی  پیاو پێویستە  ڕۆژانە  ٢٥-٣٠ غرام  ئافرەت  ٢٠  غرام ڕیشاڵە  خۆڕاكییەكان  بخوات ، بەھۆی  گرنگیان بۆ تەندروستی  مرۆڤ ئەم ڕیشاڵە  خۆراكییانە  گرنگییەكی  زۆریان  ھەیە  بۆ  لەش    لەوانەش ڕیشاڵە  خۆراكییەكان  توانای ھەڵگرتنی  ئاویان  ھەیە  كاتێك  بە  كۆئەندامی   ھەرس  تێدەپەرن  بەمەش  قەبارەی  خواردنەكە  زیاد  دەبێت و پەستان  لەسەر  كۆڵۆن كەم  دەكاتەوە بەمەش  كێشەی   قەبزی  كەم  دەكاتەوە  ھەروەھا   مەترسی  شێرپەنجەی  كۆڵۆن  كەم دەكاتەوە ، ڕیشاڵە خۆراكییەكان  توانای  كەم  كردنەوەی   كۆلیستڕۆڵیان  ھەیە ئەمەش  لەمەترسیەكانی   نەخۆشیەكانی  دڵ و خوێنبەرەكان  دەمانپارێزن ، ڕیشاڵە خۆراكییەكان توانای  ڕێكخستنی شەكری  خوینیان  ھەیە لەلەشدا  بۆیە یارمەتیدەڕێكی گرنگنبۆ كەمكردنەوەی  مەترسیەكانی نەخۆشی  شەكرە و زۆر  بەسودە.

لێكۆڵینەوەكان  دەریانخستووە كە خواردنی  ڕیشاڵە خۆراكییەكانبە شێوەیەكی  ڕێك و تەواو توانای  بەخشینی ھەستی تێركڕدنیان  ھەیە  بۆ ماوەیەكی  درێژ    وادەكات كەسەكە  خواردنی  زیاتر  نەخوات و  ھەست  بە  تێر بوون  بكات ، بەمەش  دەتوانین  خۆمان  لە  كێش  زیاد بوون  بپارێزین .

ڕیشاڵە  خۆڕاكییەكان  لە سەرەوە تا دەگاتە  كۆڵۆن ھەرس نابێت  بەلام  كە دەگاتە  ڕیخۆڵە باریكەو  ئەستورە لەوێ لەلایەن بەكتریا  سود بەخشەكان  ھەرس  دەكڕێت و  كۆمەڵێك ترشی  سود بەخش بەرھەم  دەھێنرێت كە پێویستن  بۆ   پاراستنی تەندروستی كۆڵۆن و  پاراستنی لە ھەوكردن  بەھۆی بەكتریای  زیان  بەخش  .


PM:03:12:30/12/2020




ئه‌م بابه‌ته 1140 جار خوێنراوه‌ته‌وه‌‌