دووكان دووه‌م سه‌ركه‌وتنی‌ به‌ده‌ست هێنا و هه‌نگاوێكی‌ دیكه‌ له‌ چوار گۆشه‌ی‌ زێڕین نزیك بۆوه‌




پێشمه‌رگه‌ سپۆرت -

له‌ شاری‌ به‌غداد و له‌ نێو هۆڵی‌ شه‌عبی‌ نێو ده‌وڵه‌تی‌ یارییه‌كانی‌ قۆناغی‌ كۆتایی‌ خولی‌ پله‌ یه‌كی‌ باله‌ی‌ یانه‌كانی‌ عێراق بۆ گه‌یشتن به‌ ڕیزی‌ یانه‌ نایابه‌كان به‌رده‌وامی‌ هه‌یه‌و ڕۆژی‌ شه‌ممه‌ 28 / 11 / 2020 به‌ ئه‌نجام دانی‌ سێ‌ یاری‌ دووه‌م ڕۆژی‌ یارییه‌كان ئه‌نجام دران .

له‌ ئه‌نجامی‌ یاریه‌كانی‌ دووه‌م ڕۆژ مقدادیه‌ به‌ یاریه‌كی‌ به‌هێز ڕوبه‌ڕوی‌ یانه‌ی‌ ڕه‌بیعه‌ بونه‌وه‌ و به‌ ئه‌نجامی‌ 2-3 گێم توشی‌ شكست هاتن ، ئه‌مه‌و یانه‌ی‌ حه‌دیسه‌ به‌ ئه‌نجامی‌ سێ‌ گێمی‌ یه‌كلایه‌نه‌ له‌ یانه‌ی‌ الرمیسه‌ی‌ برده‌وه‌ .

سێهه‌م یاری‌ له‌ نێوان كوڕانی‌ یانه‌ی‌ دووكان و غه‌راف به‌ڕێوه‌ چوو تێیداو یاریزانانی‌ دووكان به‌ ئه‌نجامی‌ 3-1 گێم بردنه‌وه‌یان به‌ده‌ست هێنا و به‌و ئه‌نجامه‌ش توانیان دووه‌م سه‌ركه‌وتنی‌ یه‌ك له‌ دوایی‌ یه‌كی‌ خوله‌كه‌ به‌ده‌ست بهێنن و هه‌نگاوێكی‌ دیكه‌ له‌ قۆناغی‌ چوار گۆشه‌ی‌ زێڕین نزیك بونه‌وه‌ .


PM:07:44:28/11/2020




ئه‌م بابه‌ته 1272 جار خوێنراوه‌ته‌وه‌‌


زۆرترین خوێنراو‌
‌ ‌