سەرمای زستان   چەند گۆرانكاریەكی فیزیۆلۆجی لە جەستەدا دروست  دەكات كە ڕێگە  خۆشكەرن  بۆ  بەرزبونەوەی  فشاری  خوێن و  رودانی  جەڵتەی مێشك  و دڵ ، پزیشكانی  ھیندی  وایان بە پۆرتالی  ئیندیا  تایمز گوتوە .

د. ئاشوتوش  دوبی ، پزیشكی  ھەناوی  لە  ھندستانەوە   دەڵێ : دابەزینی  پلەی گەرمی  دەبێتە ھۆی بەرزبونەوەی  فشاری  خوێن  و چالاك بونی   پڕۆسەی  زیندە پاڵ ، ئەوەش  فشارێكی  زۆر دەخاتە  سەر ئەندامەكانی  جەستە ، سەرما  دیواری بۆریەكانی خوێن  كرژدەكات جەستەش  خۆی  زۆر  ماندوو  دەكات   تاكو  گەرمی  زۆر  دروست  بكات   بۆ  روبەروبونەوەی   وەرزی  سەرما  و فشارێكی  زۆر  لەسەر  ئەو  بۆریە  كرژبوانە   دروستدەكات ئەوەش ڕێگە  خۆش دەكات   بۆ ڕودانی   جەڵتەی  دڵ و  مێشك ، جەڵدەی‌ دڵیش ھەروەھا  لە  زستاندا دوو  ھێندە  زیاد  دەكات  ، پڕۆفیسۆر  ئاركەی  ساران  ، سەرۆكی  پێشوی بەشی دڵ  لە  زانكۆی   پزیشكی  كینگ  جۆرج  دەڵێ : لە زستاندا  خوێن  خەسترو  لینجتر دەبێت ، ئەوەش  كڵۆبونی  خوێن  زیاتر  دەكات .

د. ئابێشك  شوكلا ، پزیشكی پسپۆری بەساڵاچوان دەڵێ كەسانی بەتەمەن  دەبێ زۆرتر ئاگاداری  تەندروستیان بن لەزستاندا  ئاستی  كۆلیستڕۆڵی خوێن  بەرز دەبێتەوە پەتا زستانییەكانیش   پڕۆسەی  ھەوكردن لە جەستەدا   تاودەدەن ئەوەش  ھانی   تەقین و  دەرچوونی  كڵۆكانی خوێن  دەدات  كە ھەریەكە  لە جەلتەی  مێشك و  دڵ  زیاد  دەكات   .