ڕۆژنامه‌ی مۆندۆ ورده‌كاری گفتووگۆی نێوان مێسی وكومان له‌ ڕاهێنانه‌كان ئاشكرا ده‌كات




پێشمه‌رگه‌ سپۆرت -

ڕۆژنامه‌ی مۆندۆ دیپۆرتیڤۆی نزیكی یانه‌ی به‌رشه‌لۆنه‌ ورده‌كاری گفتووگۆی نێوان مێسی و كومان ئاشكرا ده‌كات له‌ ڕاهێنانه‌كانی دوێنێ دووشه‌ممه‌ی یانه‌كه‌دا.

مێسی ئه‌ستێره‌ی یه‌كه‌می یانه‌ی به‌رشه‌لۆنه‌ پاش ئه‌وه‌ی بڕیاری مانه‌وه‌یدا له‌ یانه‌ كه‌ته‌لۆنییه‌كه‌ دوێنێ دووشه‌ممه‌ به‌شداری یه‌كه‌م یه‌كه‌ی مه‌شق و ڕاهێنانی یانه‌كه‌ی كرد . 

ڕۆژنامه‌ی مۆندۆ باس له‌وه‌ ده‌كات كه‌ له‌ كاتی ڕاهێنانه‌كاندا كومان و مێسی چه‌ند قسه‌یه‌كیان كردووه‌ ، كومان به‌ مێسی وتووه‌ زۆر خۆشحاڵم كه‌ بڕیاری مانه‌وه‌ت دا له‌ یانه‌كه‌مان .

له‌ به‌رامبه‌ر مێسی به‌ڵێنی به‌ كومان داوه‌ كه‌ چی له‌ توانایدا بێت ده‌یكات له‌ پێناو به‌رشه‌لۆنه‌ بۆ وه‌رزی داهاتوو .

له‌ كۆتایشدا مۆندۆ ده‌ڵێت كومان به‌ مێسی وتووه‌ كه‌ ده‌زانێت چ ئه‌ستێره‌یه‌كی گه‌وره‌یه‌ وهه‌ر له‌سه‌ر ئه‌و بنه‌مایه‌ش مامه‌ڵه‌ی له‌گه‌ڵ ده‌كات .


PM:03:12:08/09/2020




ئه‌م بابه‌ته 4488 جار خوێنراوه‌ته‌وه‌‌