ڤیدیۆ.. گۆڵه‌كانی‌ یۆڤانتۆس و ئاهه‌نگی‌ بوونه‌‌ پاڵه‌وانی




پێشمه‌رگه‌ سپۆرت -

یانه‌ی یۆڤانتۆس بووه‌ پاڵه‌وانی خولی ئیتاڵی بۆ نۆیه‌مین وه‌رزی له‌سه‌ر یه‌ك و36 هه‌مین جار له‌ مێژوویدا .

له‌ یارییه‌كانی هه‌فته‌ی 36ی خولی یانه‌كانی ئیتاڵیا یانه‌ی یۆڤانتۆس له‌ یاریگای خۆی میوانداری سامپه‌دۆریای كرد . تایمی یه‌كه‌می یارییه‌كه‌ بێ گۆڵ وبه‌ خاوێنی كۆتاییهات .

له‌ تایمی دووه‌مدا و له‌خوله‌كی 52 كریستیانۆ رۆناڵدۆ گۆڵی یه‌كه‌می بۆ یۆڤی‌ تۆماركرد و له‌خوله‌كی 67 یشدا بێرناردسكی گۆڵی دووه‌می بۆ خانمه‌ پیره‌كه‌ زیاد كرد و له‌خوله‌كی 89 شدا ڕۆناڵدۆ لێدانێكی سزای له‌ ده‌ستدا .

به‌و بردنه‌وه‌یه‌ خاڵه‌كانی یۆڤانتۆس بووه‌ 83 خاڵ و جیاوازی خاڵه‌كانی له‌گه‌ڵ ئینته‌ر بۆ  حه‌وت خاڵ به‌رز كرده‌وه‌و نازناوه‌كه‌ی بۆ نۆیه‌م جاری له‌سه‌ر یه‌ك و 36 هه‌مین جار له‌ مێژوویدا به‌ ده‌ستهێنا پێش دوو هه‌فته‌ له‌ كۆ‌وتاییهاتنی یارییه‌كانی وه‌رزی ئه‌مساڵی خوله‌كه‌ .



PM:09:01:27/07/2020




ئه‌م بابه‌ته 480 جار خوێنراوه‌ته‌وه‌‌