‌ڕۆژنامەی‌ لیكیب داهاتووی‌ نیمار یەكلایی دەكاتەوە




پێشمه‌رگه‌ سپۆرت -

ڕۆژنامەی‌ لیكبی‌ فەڕەنسی‌ داهاتووی‌  نیمار داسێلڤای‌ ئەستێرەی‌ یانەی‌ پاریس سانجێرمان یەكلایی دەكاتەوەو جەختدەكاتەوە كە بە ئەگەرێكی‌ زۆر بۆ وەرزی‌ داهاتووش لە یانە پاریسییەكە بەردەوام دەبێت .

یانەی‌ بەرشەلۆنە ئارەزوویەكی‌ زۆری‌ بۆ گەڕاندنەوەی‌ نیمار هەیە لە گواستنەوەكانی‌ ئەم هاوینەدا ولە هاوینی‌ ڕابردووش هەوڵی‌ زۆریدا، بەڵام سەركەوتوو نەبوو لە گێڕانەوەیدا .

لە ماوەی‌ ڕابردووشدا كارلۆس ڕیكساشی‌ ڕاوێژكاری‌ سەرۆكایەتی‌ بەرشەلۆنە ئاماژەی‌ بەوەكردووە دوای‌ ئەو زیانانەی‌ كە بەهۆی‌ ڤایرۆسی‌ كۆرۆناوە بەریان كەوتووە ئەستەمە بتوانن كە نیمار بگەڕێننەوە لەم هاوینەدا .

لای‌ خۆشیەوە ڕۆژنامەی‌ لیكیب دەڵێت: ڤایرۆسی‌ كۆرۆنا هەموو شتێكی‌ تێكداوەو ئەگەر یانە پاریسییەكە داوای پارەیەكی‌ زۆر بكات بۆ دەستبەرداربون لە نیمار ئەستەمە بەرشەلۆنە بتوانێت بیگوازێتەوە ، بۆ نیمار لە یانە پاریسییەكە بەردەوام دەبێت .


PM:03:29:14/05/2020




ئه‌م بابه‌ته 3586 جار خوێنراوه‌ته‌وه‌‌