هه‌ڵسوکه‌وته‌ ناته‌ ندروسته‌کان له‌ کاتی به‌ڕۆژوو بوون، ڕۆژی مانگی ڕه‌مه‌زان چه‌ندین سوود و بایه‌خی گرنگی هه‌یه‌ بۆ ته‌ندروستی مرۆڤ، به‌ڵام جێگه‌ی داخه‌ له‌ ماوه‌ی چه‌ند ساڵی ڕابردوود کۆمه‌ڵێک خوو و هه‌ڵس وکه‌وت و بۆچوونی هه‌ڵه‌ له‌ ناو زۆرینه‌ی کۆمه‌ڵگای کوردی بڵاو بۆته‌وه‌ که‌ ده‌رئه‌نجامی خراپی هه‌یه‌ بۆ ته‌ندروستی مرۆڤ،دکتۆر کامه‌ران رسوڵ ژاژڵه‌یی پسپۆڕی زانستی خۆراک و نه‌شته‌رگه‌ری گشتی به‌ چه‌ند خاڵێك باوترین هه‌ڵه‌ باوه‌كانی مانگی ڕه‌مه‌زان باس ده‌كات.

گرنگترین هه‌ڵه باوه‌کانی خواردن له‌ مانگی ڕه‌مه‌زان :

1- هه‌ڵه‌کانی ژه‌می پارشێو:

- پارشێو نه‌کردن، پارشێو ژه‌مێکی گرنگه‌ و نابێت پشتگوێ بکرێت و و چه‌ند بتوانرێت، دره‌نگتر بخورێت پێش بانگی به‌یانی.

-  خواردنی بڕێکی زۆر خۆراک به‌ تایبه‌ت خۆراکی چه‌ور و شیرینی و سوێر . 

-  خواردنه‌وه‌ی بڕێکی زۆر ئاو و شله‌مه‌نی به‌ مه‌به‌ستی ئه‌وه‌ی تینووت نه‌بێت له‌ رۆژه‌که‌دا .

2- هه‌ڵه‌کانی کاتی به‌ربانگ:

- خواردنه‌وه‌ی شه‌ربه‌تی گیراوه‌ و خواردنی شیرینی وه‌ک لوقمه‌قازی و شیرینیه‌کانی تر. 

- خواردنی بڕێکی زۆر خۆراک به‌ تایبه‌ت خۆراکی چه‌ور له‌ ماوه‌یه‌کی که‌م و به‌ په‌له‌.

- پاڵ که‌وتن پاش به‌ربانگ کردنه‌وه‌ .

- نه‌خواردنی زه‌ڵاته‌ و سه‌وزه‌ و شۆربا له‌ سه‌ره‌تای به‌ربانگکردنه‌وه‌. 

-  خواردنی برنج وشله‌ ( به‌ تایبه‌ت برنج سپی ) ڕۆژانه‌ . 

3- نه‌خواردنی میوه‌ به‌ بڕی پێویست له‌ نێوان به‌ربانگ و پارشێو .

4-  خواردن به‌ دیار ته‌له‌فزێونه‌وه‌ .

5- نه‌جوڵان وسستی ووه‌رزش نه‌کردن پاش ڕۆژوو شکاندن، هه‌روه‌ها ئه‌نجامدانی وه‌رزشی قورس و بۆ ماوه‌ی دوور و درێژ له‌کاتی به‌ڕژوو بوون دا .

6-  شه‌ونخوونی و به‌خه‌به‌ربوون له‌ به‌ربانگه‌وه‌ تا پارشێو و خه‌وتن به‌رۆژ.

7-  خواردنی شیرینی ڕاسته‌وخۆ دوای به‌ربانگ، پێویسته‌ دوای دوو كاتژمێر بێت و هه‌فته‌ی ( ۱ ــ ۲ ) جار زیاتر نه‌خورێت.

8-  خواردنه‌وه‌ی بڕێکی زۆر چا و قاوه‌ و ئه‌و خواردنه‌وانه‌ی کافینیان تێدایه‌ .

9- خواردنی بڕی زۆر له‌ ترشیات و خواردنێ به‌هاراتی زۆر تیا بێت .