سەردێری هەواڵ
كوڕ و كچه‌ لاوه‌كانی‌ پێشمه‌رگه‌ ئاماده‌ی‌ پاڵه‌وانێتیه‌كه‌ی‌ كوردستانن ڤیدیۆ - بێ ئه‌وه‌ی‌ قاچیان به‌ر تۆپ كه‌وێت بوونه‌ خاوه‌نی‌ گۆڵ شه‌تڕه‌نج زانه‌ پاڵه‌وانه‌كانی‌ پێشمه‌رگه‌ میوانی‌ جێگری‌ سه‌رۆكی‌ یانه‌ بوون - جامی‌ یه‌كه‌می‌ پێشكه‌ش كرا پاڵه‌وانێتی‌ تیروكه‌وانی‌ یانه‌كانی‌ كوردستان له‌سه‌ر ئاستی‌ كچان و كوڕان به‌رێوه‌ده‌چێت ئه‌نه‌سی‌ پێشمه‌رگه‌ پله‌ی‌ دووه‌می‌ بۆ شاری‌ سلێمانی‌ به‌ده‌ست هێنا فه‌رمی‌.. فرانك ریبیری‌ گرێبه‌ستی‌ له‌گه‌ڵ یانه‌یه‌كی‌ چاوه‌ڕواننه‌كراو واژووكرد له‌سه‌ر ئاستی‌ تیمیش لاوانی‌ پێشمه‌رگه‌ یه‌كه‌می‌ عێراق بوون ئه‌نجامی‌ یارییه‌كه‌ی‌ تازه‌پێگه‌یشتوانی‌ پێشمه‌رگه‌ به‌ یه‌كسان بوون كۆتایی‌ هات ئه‌حمه‌د جه‌زایی‌ یاریزانی‌ یانه‌ی‌ پێشمه‌رگه‌ یه‌كه‌می‌ عێراق بوو كه‌مپه‌ ئاماده‌كارییه‌كه‌ی‌ هه‌ڵبژارده‌ی‌ تازه‌پێگه‌یشتوانی‌ عێراق به‌رده‌وامه‌

ڕاپۆرت - وێنه‌ : باسكه‌ی‌ پێشمه‌رگه‌ به‌ یاریه‌كی‌ ماراسۆنی‌ له‌ ئه‌كادی‌ برده‌وه‌




پێشمه‌رگه‌ سپۆرت - 

یاریه‌كانی‌ خولی‌ نایابی‌ باسكه‌ی‌ یانه‌كانی‌ كوردستان درێژه‌ی‌ هه‌یه‌و له‌ سێهه‌م یاری‌ خۆیدا تیپی‌ باسكه‌ی‌ یانه‌ی‌ پێشمه‌رگه‌ له‌ نێو هۆڵی‌ یانه‌ی‌ سلێمانی‌ میوانداری‌ له‌ تیپی‌ باسكه‌ی‌ یانه‌ی‌ ئه‌كادی‌ شاری‌ هه‌ولێر كرد .

یاریه‌كه‌ بۆ پێشمه‌رگه‌ی‌ سلێمانی‌ قورس بوو به‌و پێیه‌ی‌ هه‌ردوو یاریزانی‌ سه‌ره‌كی‌ ( ڕێكان عوسمان و محه‌مه‌د جه‌بار ) به‌هۆی‌ پێكان به‌شداریان نه‌كرد ، به‌لاَم به‌هۆی‌ كۆڵ نه‌دان و ئاست به‌رزی‌ لاوه‌كانی‌ پێشمه‌رگه‌ی‌ سلێمانی‌ توانیان به‌ جیاوازی‌ یه‌ك سكۆر بردنه‌وه‌یه‌كی‌ گرنگ به‌ده‌ست بهێنن .

ئه‌و یارییه‌ له‌ كاتژمێر 3:00 ی‌ پاش نیوه‌ڕۆی‌ ڕۆژی‌ دوو شه‌ممه‌ 15 نیسانی‌ 2019 ئه‌نجام دراو ئه‌نجامی‌ گێمه‌كانی‌ به‌م شێوه‌یه‌ بوون .

له‌ 10 خوله‌كی‌ یه‌كه‌می‌ یاریه‌كه‌دا هه‌ردوو تیپ بۆ پێشكه‌وتن هاتنه‌ نێو یاریگه‌ و له‌گه‌ڵ ئه‌وه‌ی‌ تا دوا خوله‌كی‌ تایمی‌ یه‌كه‌م یاریزانانی‌ پێشمه‌رگه‌ پێنگ بوون به‌لاَم دواجار ئه‌نجامی‌ ئه‌و تایمه‌ به‌ جیاوازی‌ سكۆرێك و به‌ 15-16 سكۆر له‌ به‌رژه‌وه‌ندی‌ یاریزانانی‌ ئه‌كاد به‌ كۆتاهات .

10 خوله‌كی‌ دووه‌م : پلانه‌كانی‌ زانیار كه‌ریم خه‌لیلیانی‌ ڕاهێنه‌ری‌ پێشمه‌رگه‌ گۆڕانكاری‌ له‌ یاریه‌كه‌ كردوو ئاستی‌ ڕاسته‌قینه‌ی‌ یاریزانانی‌ پێشمه‌رگه‌ ده‌ركه‌وت پاش ئه‌وه‌ی‌ توانیان به‌ ئه‌نجامی‌ 16-10 سكۆر بێنه‌وه‌ پێشه‌نگ .

10 خوله‌كی‌ سێهه‌م : جیاواز له‌گه‌ڵ تایمه‌كانی‌ دیكه‌ دووباره‌ یاریزانانی‌ ئه‌كاد توانیان زۆرترین سكۆر تۆمار بكه‌ن و پێشكه‌ون پاش ئه‌وه‌ی‌ ئه‌نجامی‌ ئه‌و تایمه‌ به‌ 11- 15 سكۆر به‌ كۆتاهات .

10 تایمی‌ چواره‌م و كۆتایی‌ : هه‌ردوو تیپ سكۆر به‌ سكۆر پێكه‌وه‌ ده‌ڕۆیشتن و تا كۆتاخوله‌ك له‌ ململانێیه‌كی‌ به‌هێزبوون بۆ پێشكه‌وتن تا دواجار به‌ یه‌كسان بوون و به‌ ئه‌نجامی‌ 23-23 سكۆر تایمی‌ كۆتایی‌ به‌ كۆتاهات .

به‌و ئه‌نجامه‌ش پێشمه‌رگه‌ی‌ سلێمانی‌ توانی‌ به‌ جیاوازی‌ یه‌ك سكۆر و به‌ ئه‌نجامی‌ 65-64 سكۆر بردنه‌وه‌ به‌ده‌ست بهێنن .

پێشمه‌رگه‌ی‌ سلێمانی‌ له‌ ئێستادا خاوه‌ن دوو سه‌ركه‌وتنه‌ له‌ خوله‌كه‌ و بڕیاریشه‌ له‌ ڕۆژی‌ یه‌ك شه‌ممه‌ی‌ داهاتوو میوانداری‌ له‌ تیپی‌ باسكه‌ی‌ یانه‌ی‌ ده‌ربه‌ندیخان بكات كه‌ ئه‌وه‌ش ده‌بێته‌ چواره‌م یاری‌ تیپی‌ بباسكه‌ی‌ یانه‌ی‌ پێشمه‌رگه‌ . 



PM:09:43:15/04/2019




ئه‌م بابه‌ته 2405 جار خوێنراوه‌ته‌وه‌‌