هه‌شت باشترین خۆراك بۆ دابه‌زاندنی فشاری خوێن



 
ته‌ندروستی‌ - 

فشاری خوێن یه‌كێكه‌ له‌ گرفته‌ بڵاوه‌كان كه‌ زۆر كه‌س به‌ ده‌ستیه‌وه‌ ده‌ناڵێنێت، دکتۆر کامه‌ران رسوڵ ژاژڵه‌یی پزیشكی پسپۆڕی زانستی خۆراک و نه‌شته‌رگه‌ری گشتی هه‌شت باشترین خۆراك باس ده‌كات كه‌ ده‌كرێت بۆ دابه‌زاندنی فشاری خوێن به‌كاربهێنرێت. 

1- چه‌وه‌نده‌ر : یارمه‌تی کشانی بۆریه‌کانی خوێن ده‌دات و فشاری خوێن داده‌به‌زێنێت : باشتره‌ به‌ کاڵی یان به‌ شێوه‌ی زه‌ڵاته‌ بوێت یان به‌یانیان به‌ شێوه‌ی شه‌ربه‌ت بخورێته‌وه‌.

2- ماسی سه‌لمۆن و ماکڕۆیڵ :ده‌وڵه‌مه‌ندن به‌ مادده‌ی ئۆمێگا ( ۳ ) و ڤیتامین ( D ) که‌ ڕێژه‌ی چه‌وری سیانی و کۆلیسترۆڵ و فشاری خوێن داده‌به‌زێنن و ڕێژه‌ی کۆلیستڕۆڵی باش به‌رز ده‌که‌نه‌وه‌.

3- فستق : ده‌بێته‌ هۆی که‌م کردنه‌وه‌ی لێدانی دڵ و دابه‌زینی فشاری خوێن ، ڕۆژانه‌ ( ۱۰ ـــ ۲۰ ) ده‌نکی لێ بخۆ به‌ کاڵی یان سه‌وزی و بێ خوێ له‌ نێوان ژه‌مه‌کان .

4- شه‌ربه‌تی هه‌نار :به‌ شێوه‌ی به‌رده‌وام و رۆژانه‌ یارمه‌تی دابه‌زینی فشاری خوێن ده‌دات.

5- زه‌یتی زیتون :پێویسته‌ بۆ چێشت لێنان به‌کاربێت ، هه‌روه‌ها زه‌یتی که‌تان.

6-  ئه‌و خۆراکانه‌ی ده‌وڵه‌مه‌ندن به‌ پۆتاسێوم : وه‌ک سپێناخ و بڕۆکلی و که‌له‌رم و سڵق و کاهوو و جه‌رجیر و مۆز، چوونکه‌ پۆتاسێوم یارمه‌تی دابه‌زینی ئاستی سۆدێوم ده‌دات له‌ ڕێگه‌ی میزه‌وه‌ و فشاری خوێن دادبه‌زێێت .

7-  شکۆڵاته‌ی قاوه‌یی تۆخ یان ڕه‌ش : فشاری خوێن دادبه‌زێێت و ئه‌گه‌ری تووشبوون به‌ نه‌خۆشیه‌کانی دڵ و خۆێنبه‌ره‌کان و جه‌ڵته‌ که‌م ده‌کاته‌وه‌، به‌ڵام پێویسته‌ که‌می بخورێت .

8-  پرته‌قاڵ و گێزه‌ر و ئه‌ڤۆگادۆ و گوڵه‌به‌ڕۆژه‌ و ده‌نکی که‌تان .



PM:10:45:13/04/2019




ئه‌م بابه‌ته 1003 جار خوێنراوه‌ته‌وه‌‌