بەڤیدیۆ : به‌ گۆڵ تۆماركردنی‌ میسی‌ به‌رشه‌لۆنه‌ له‌ پێشه‌نگه‌




پێشمه‌رگه‌ سپۆرت - 

لە یارییەکانی هەفتەی ١٨ی خولی ئیسپانیا، یانەی بەرشەلۆنە رووبەرووی یانەی خیتافی بویەوە توانی بە ئەنجامی 2 بە 1 لێیبباتەوە و سوود لە یەکسانبوونی سیڤیلیاو ئاتلەتیکۆ مەدریدو شکستی ریاڵ مەدرید بە ریاڵ سۆسیداد وەربگرێت و لە رکابەرە سەرسەختەکانی دووربکەوێتەوە .

یاریەکەی لە دەرەوەی یاریگای خۆی لە مەدرید ئەنجامداو توانی ٢-١ بردنەوە تۆمار بکات و  سەرەتاو لە خولەکی ٢٠ بە گۆڵی میسی پێشکەوت.

دواتر سوارێز لە خولەکی ٣٩ ، ئەنجامەکەی کردە دوو هێندە، بەڵام هەر لەم گێمە یانەی خیتافی توانی لە خولەکی  ٤٣، لە لایەن ماتاوە گۆڵێک بکات و ئەنجامەکە کەمبکاتەوەو گێمی یەکەم ٢-١ بە کۆتا بهێنن.

لە تایمی دووەمی یاریەکە خیتافی دەیویست ئەنجامەکە راستبکاتەوەو بەرشەلۆنەش دەیویست گۆڵی زیاتر بکات، بەڵام هەردوولا سەرکەوتوو نەبوون و تا کۆتایی یاریەکە ٢-١ بە سوودی بەرشەلۆنە تەواو بوو.

بەم بردنەوەیە بەرشەلۆنە ژمارەی خاڵەکانی لە خولەکە بووە ٤٠ خاڵ و لە پلەی یەکەم دێت و ٥ خاڵ لە ئاتلەتیکۆ مەدریدی دووەمەوە دوورە.



PM:03:25:07/01/2019




ئه‌م بابه‌ته 369 جار خوێنراوه‌ته‌وه‌‌