پێشمه‌رگه سپۆرت -
راپۆرتە رۆژنامەوانییەکانی ئیتالیا ئاماژە بەوە دەدەن ئەگەر ئالێگری نازناوی چامپیۆنز لیگ لەم وەرزەدا بەدەست نەهێنێت بەرێوەبەرانی یانەکە دووری دەخەنەوە و زیدان دەکەن بە راهێنەر.
راپۆرتە رۆژنامەوانییەکانی ئیتالیا بڵاویانکردۆتەوە، ئیدارەی یوڤی رێکەوتون لەگەڵ زیدان بۆ ئەوەی لە سەرەتای وەرزی داهاتوەوە پۆستی راهێنەرایەتی یانەکە وەربگرێت، گەر ئەمساڵ نەیانتوانی نازناوی چامپیۆنز لیگ بەدەست بهێنن.
رۆژنامەکانی ئیتاڵیا باسیشیان لەوە کردوە کە بەدەستهێنانی نازناوی خولی ئیتاڵیا بۆ ئیدارەی یوڤی بەس نییە بۆ ئەوەی ئالێگری لە پۆستەکەی بهێڵێتەوەو لە ئێستاوە زیدانیان رازی کردوە بۆ ئەوەی پۆستی راهێنەرایەتی هیچ یانەیەک وەرنەگرێت تا کۆتایی ئەم وەرزە
یانەی یۆڤانتۆس گەیشتۆتە قۆناغی شانزەی چامپیۆنز لیگ و لەوقۆناغەشدا روبەروی ئەتلەتیکۆمەدرید بوەتەوە
یوڤی لە ژێر دەستی ئالێگری چوار جار نازناوی خولی ئیتاڵیا و چوار جاریش نازناوی جامی ئیتاڵیای بەدەستهێناوە,.