یه‌كێتی‌ باله‌ی‌ سلێمانی‌ ڕاهێنه‌ران ئاگادار ده‌كاته‌وه‌




پێشمه‌رگه‌ سپۆرت - 

دوایی‌ وه‌رگرتنی‌ ڕه‌زامه‌ندی‌ بۆ كردنه‌وه‌ی‌ خولی‌ ڕاهێنه‌ران ، یه‌كێتی‌ باله‌ی‌ سلێمانی‌ ئاماده‌كارییه‌كانی‌ بۆ ئه‌نجام دانی‌ خوله‌كه‌ به‌ كۆتاهێنا و ڕاهێنه‌رانی‌ به‌شدار بوو له‌و خوله‌ ئاگادار ده‌كاته‌وه‌ .

له‌ ئاگادارییه‌كدا كه‌ وێنه‌یه‌كی‌ بۆ پێشمه‌رگه‌ سپۆرت نێردراوه‌ ، یه‌كێتی‌ باله‌ی‌ سلێمانی‌ ئاگاداری‌ ڕاهێنه‌رانی‌ به‌شدار له‌ خولی‌ ڕاهێنه‌ران ده‌كاته‌وه‌ كه‌ له‌ كاتژمێر 1:00 ی‌ پاش نیوه‌ڕۆی‌ ڕۆژی‌ چوار شه‌ممه‌ 7 / 11 / 2018 له‌ نێو هۆڵی‌ باره‌گه‌ی‌ نوێنه‌رایه‌تی‌ لیژنه‌ی‌ ئۆڵۆمپی‌ سلێمانی‌ ئاماده‌بن به‌مه‌به‌ستی‌ ده‌ست پێكی‌ خوله‌كه‌ .

سه‌باره‌ت به‌ ئه‌نجام دانی‌ خولی‌ ڕاهێنه‌ران جه‌مال ڕه‌شید سه‌رۆكی‌ یه‌كێتی‌ باله‌ی‌ سلێمانی‌ تایبه‌ت به‌ پێشمه‌رگه‌ سپۆرتی‌ ڕاگه‌یاند ، دوایی‌ وه‌رگرتنی‌ ڕه‌زامه‌ندی‌ یه‌كێتی‌ باله‌ی‌ عێراق و یه‌كێتی‌ باله‌ی‌ ئێران به‌ فه‌رمی‌ خوله‌كه‌ ده‌ست پێده‌كه‌ین كه‌ به‌ وانه‌بێژی‌ ، وانه‌بێژی‌ نێو ده‌وڵه‌تی‌ محه‌مه‌دی‌ مه‌نسوری‌ ده‌بێت .

هه‌روه‌ك جه‌مال ڕه‌شید ئاماژه‌ی‌ پێدا كه‌ ئه‌و وانه‌بێژه‌ له‌ ئاستێكی‌ به‌رزدایه‌و سودێكی‌ زۆر به‌به‌شداران ده‌گه‌یه‌نێت .

دواجار سه‌رۆكی‌ یه‌كێتی‌ باله‌ی‌ سلێمانی‌  ئاماژه‌ی‌ به‌وه‌دا كه‌ ئه‌و ڕاهێنه‌رانه‌ی‌ پێشتر ناویان تۆمار كراوه‌ له‌ كاتژمێر 1:00 ی‌ پاش نیوه‌ڕۆی‌ ڕۆژی‌ چوار شه‌ممه‌ 7 مانگ له‌ نێو باره‌گه‌ی‌ نوێنه‌رایه‌تی‌ لیژنه‌ی‌ ئۆڵۆمپی‌ كوردستان له‌ گه‌ڕه‌كی‌ چوار باخ ئاماده‌بن به‌مه‌به‌ستی‌ وه‌رگرتنی‌ پێداویستییه‌كان و به‌فه‌رمی‌ ده‌ست پێكردنی‌ خوله‌كه‌ .



PM:10:04:05/11/2018




ئه‌م بابه‌ته 386 جار خوێنراوه‌ته‌وه‌‌