تهندروستی -
كەمی مەگنسیۆم لەجەستە حاڵەتێكی تەندروستیە كەزۆربەی كات لێی بێ ئاگاین و هەستی پێ ناكەین، لە هەندێك كاتدا نەبێت كە كەمبوونەوەكەی زۆرە و نیشانەكانی زیاترە ، وەك:
1- كرژبوونی ماسولكەكان: هەندێك كات كرژبوونی ماسولكەكان لەحاڵەتی زۆر كەمبونەوەی مەگنیسیۆم روودەدات، بەڵام چەند حاڵەتێكی تر هەیە كە كرژبوونی ماسولكە دروست دەكەن وەك (دڵەراوكێ ، زیادبوونی رێژەی كافین ، خواردنی هەندێك دەرمانی دیاریكراو).
2- تێكچوونی باری دەروونی: كەمی مەگنسیۆم دەبێتە هۆی هەندێ نەخۆشی دەروونی وەك (خەمۆكی، گرنگی پێ نەدان، ئارەقكردنەوە و شڵەژان).
3- كەمبونەوەی چڕی ئێسك: مەرج نیە هەموو كەمبوونەوەیەكی چڕی ئێسك هۆكارەكەی كەمی رێژەی مەگنسیۆم بێت، هەندێ هۆكاری تر هەیەوەك زیادبوونی تەمەن و وەرزش نەكردن و كەمبوونەوەی رێژەی ڤیتامینD و K.
4- هیلاكی و ماندوبوونی جەستە: رەنگە زۆر هۆكاری تر ببێتە هۆی هەستكردن بەهیلاكی جەستە، بەڵام كەمی مەگنسیۆم هۆكارێكی تری هەستكردنی بەردەوامە بەماندووبوون.
5- بەرزبوونەوەی پەستانی خوێن: بەپێی هەندێك لە لێكۆلینەوەكان كەمبوونەوەی مەگنسیۆم دەبێتە هۆی بەرزبوونەوەی پەستانی خوێن و توشبوون بەنەخۆشیەكانی دڵ.
6- تووشبوون بەرەبۆ و تەنگەنەفەسی: لەهەندێك كاتدا كەمی مەگنسیۆم دەبێتە هۆی هەناسە توندی ، چونكە مەگنسیۆم بەردەوام رێژەكەی نزمە لەلای توشبووانی رەبۆ.
7- نارێكی لێدانی دڵ: حاڵەتەكانی نارێكی دڵ زۆر جار چەند نیشانەیەكی تری لەگەڵدایە وەك (گێژبوون، تەنگە نەفەسی ، لەهۆش چوون ، ئازاری سنگ).
ئا / ڕاگەیاندنی بەڕێوبەرایەتی گشتی تەندروستی سلێمانی