سوودە گرنگەکانی‌ خورما

 
 
ته‌ندروستی‌ - 

خورما برێکی‌ زۆر ڤیتامین و کانزا و مەوادە سوود بەخشەکانی‌ تێدایە کە گرنگیەگی‌ زۆر تایبەتی‌ بۆ تەندروستی‌ مرۆڤ هەیە و بەئاسانی‌ هەرس دەبێت.

 ئەمانەش سوودەکانیەتی‌:

دژە هەوکردنە: خورما دەوڵەمەندە بە مەگنیسیۆم کەئەوەش مادەیەکی‌ ناسراوە بۆ دژە هەوکردن و بەپێی‌ لێکۆڵینەوەکان مەگنیسیۆم توانای‌ کەمکردنەوەی‌ مەترسیەکانی‌ تووشبوون بە هەوکردنی‌ جومگەکان و نەخۆشی دڵ و زەهایمەر و نەخۆشیەکانی‌ دیکەی‌ پەیوەند بە هەوکردنەوە هەیە.

دەوڵەمەندە بەماددە ریشاڵییەکان: خورما دەوڵەمەندە بە ریشاڵەکان و یەک دەنک خورما رێژەی‌ 1.6% ریشاڵەکانی‌ تێدایە کەریشاڵەکان بەوەناسراون یارمەتی‌ دابەزینی‌ کۆلیسترۆل و پارێزگاری‌ لە قەڵەوبوون و شێرپەنجەی‌ کۆڵۆن و نەخۆشیەکانی‌ دڵ دەدات.

ووزە زیاد دەکات: خورما برێکی‌ زۆر گەرمۆکەی‌ تێدایە و دەبێتە هۆی‌ زیادبوونی‌ ووزەی‌ لەش.

هەرسکردن باشتردەکات و قەبزی‌ ناهێلێت: ریشاڵەکانی‌ ناو خورما یارمەتیدەرە بۆ پاککردنەوەی‌ کۆئەندامی‌ هەرس و تەندروستی‌ کۆڵۆن و ریخۆڵەکان و خورما گرنگە بۆ کەمکردنەوەی‌ مەترسیەکانی‌ تووشبوون بە شێرپەنجەی‌ کۆڵۆن و مایەسیری‌ و هەوکردنی‌ کۆڵۆن.

کەمکردنەوەی‌ بەرزە پەستانی‌ خوێن: خورما دەوڵەمەندە بەچەند کانزایەک لەوانە مەگنیسیۆم و پۆتاسیۆم کە مەترسی بەرزە پەستانی‌ خوێن کەمدەکاتەوە و وادەکات دڵ بەشێوەیەکی‌ تەندروست کاربکات.

کەمکردنەوەی‌ تووشبوون بە جەڵدەی‌ مێشک: بەپێی‌ لێکۆڵینەوەکان دەرکەوتووە خواردنی‌ خورما دەبێتە هۆی‌ کەمکردنەوەی‌ ئەگەری‌ تووشبوون بە جەڵدەی‌ مێشک بە رێژەی‌ لە 9%.

ئا:ڕاگەیاندنی تەندروستی سلێمانی



PM:04:12:29/05/2018




ئه‌م بابه‌ته 2255 جار خوێنراوه‌ته‌وه‌‌