باله‌ی‌ پێشمه‌رگه‌ زه‌نگی‌ سه‌ركه‌وتنی‌ لێداو له‌ شوڕته‌كانی‌ به‌غدادی‌ برده‌وه‌ - ڕیزبه‌ندی‌ یانه‌كان




پێشمه‌رگه‌ سپۆرت - 

تیپی‌ باله‌ی‌ یانه‌ی‌ پێشمه‌رگه‌ هاتنه‌وه‌ نێو ڕكابه‌رییه‌ به‌هێزه‌كانی‌ خولی‌ بژارده‌ی‌ باله‌ی‌ یانه‌كانی‌ عێراق .

پاش نیوه‌ڕۆی‌ ڕۆژی‌ هه‌ینی‌ 4 ئاداری‌ 2018 و له‌ نێو هۆڵی‌ شه‌عب له‌ شاری‌ به‌غداد دووه‌م قۆناغی‌ یاریه‌كانی‌ چوار گۆشه‌ی‌ زێڕینی‌ خولی‌ بژارده‌ی‌ باله‌ی‌ یانه‌كانی‌ عێراق ده‌ستی‌ پێكرد .

له‌م ڕۆدا جیاواز له‌ یاریه‌كانی‌ قۆناغی‌ یه‌كه‌م تیپی‌ باله‌ی‌ یانه‌ی‌ پێشمه‌رگه‌ به‌ ئاستێكی‌ به‌رز له‌ یاریه‌كان بینران و توانیان بچنه‌وه‌ سه‌ر ڕێچكه‌ی‌ سه‌ركه‌وتنه‌كانیان و به‌ ئه‌نجامی‌ 3 گێمی‌ بێ‌ وه‌لاَم له‌ تیپی‌ باله‌ی‌ یانه‌ی‌ شوڕته‌یان برده‌وه‌.

له‌و یاریه‌دا و له‌سه‌ره‌تاوه‌ یاریزانانی‌ پێشمه‌رگه‌ كۆنتڕۆڵی‌ یاریگه‌یان كردوو له‌ گێمی‌ یه‌كه‌مدا و دوایی‌ یاریه‌كی‌ به‌هێز سه‌رئه‌نجام تییپه‌كه‌ی‌ پێشمه‌رگه‌ به‌ ئه‌نجامی‌ 25-21 خاڵ بردنه‌وه‌یان به‌ده‌ست هێنا .

ئه‌مه‌و له‌ گێمی‌ دووه‌مدا یاریزانانی‌ پێشمه‌رگه‌ ئاستێكی‌ ناوازه‌یان پیشان داو به‌ ئه‌نجامی‌ 25-19 خاڵ ئه‌و گێمه‌شیان له‌به‌رژه‌وه‌ندی‌ خۆیان ته‌واو كرد .

گێمی‌ سێهه‌م و كۆتایی‌ بۆ پێشمه‌رگه‌كان به‌و ئاسته‌ به‌رزه‌ بوو كه‌ له‌ كۆتایی‌ به‌ ئه‌نجامی‌ 25-20 خاڵ له‌به‌رژه‌وه‌ندی‌ خۆیان به‌ كۆتایان هێنا و به‌وه‌ش پێشمه‌رگه‌ به‌ سێ‌ گێمی‌ بێ‌ وه‌لاَم و به‌ سێ‌ خاڵ له‌ یاریگه‌ ده‌رچوو .

هه‌ر له‌ یاریه‌كانی‌ خوله‌كه‌ تیپی‌ باله‌ی‌ یانه‌ی‌ غازی‌ به‌سره‌ توانی‌ به‌ ئه‌نجامی‌ 3-1 گێم له‌ تیپی‌ باله‌ی‌ یانه‌ی‌ به‌حری‌ هاوشاری‌ بباته‌وه‌ .

به‌و ئه‌نجامانه‌ش ڕیزبه‌ندی‌ یانه‌كان به‌م شێوه‌یه‌ی‌ لێهات :

غاز 49 خاڵ
شوڕته‌ 42 خاڵ
پێشمه‌رگه‌ 41 خاڵ
به‌حری‌ 21 خاڵ


PM:09:40:04/05/2018




ئه‌م بابه‌ته 1270 جار خوێنراوه‌ته‌وه‌‌