ئازاری ددان یه‌كێكه‌ له‌ حاڵه‌ته‌ زۆر بێزار كه‌ره‌كان و له‌م كاته‌دا ڕه‌نگه‌ په‌نا بۆ چه‌ندین ڕێگه‌ ببه‌یت بۆ ئه‌وه‌ی‌ كه‌مێك ئازاره‌كه‌ت كه‌م ببێته‌وه‌ له‌ڕێی ئه‌م بابه‌ته‌وه‌ به‌ سێ ڕێگه‌ی‌ ئاسان و سروشتی ئاشناتان ده‌كه‌ین بۆ كه‌مكردنه‌وه‌ی‌ ئازاری ددان ده‌توانرێت به‌كاربهێنرێت.

1- زه‌یتی مێخه‌ك:

ته‌نها چه‌ند دڵۆپێك له‌م زه‌یته‌ بخه‌ره‌ سه‌ر پارچه‌یه‌ك لۆكه‌ و بیخه‌ره‌ سه‌ر ئه‌و ددانه‌ت كه‌ ئازاری هه‌یه‌ به‌شێوه‌یه‌كی سروشتی ئازاری ددانت كه‌مده‌بێته‌وه‌ و شوێنی ئازاره‌كه‌ سڕ ده‌كات.

2-سیر:

ده‌توانیت پارچه‌یه‌ك سیر بخه‌یته‌ سه‌ر ئه‌و ددانه‌ت كه‌ ئازاری هه‌یه‌ و ئه‌مه‌ش ڕێگه‌یه‌كی سروشتی و بێ كێشه‌یه‌.

3- دارچینی:

ئه‌گه‌ر دوو پێكهاته‌كه‌ی‌ سه‌ره‌وه‌ ئاره‌زووی ناكه‌یت و بێزارت ده‌كات ئه‌وه‌ ده‌توانیت دارچینی به‌كاربهێنیت، ته‌نها كه‌مێك دارچینی له‌گه‌ڵ ئاو تێكه‌ڵاو بكه‌ و دواتر غه‌رغه‌ره‌ی پێ بكه‌ بۆ ماوه‌ی چه‌ند خوله‌كێك.