له‌ پاڵه‌وانێتی‌ كراوه‌ی‌ باله‌ی‌ كچانی‌ عێراق سیانزه‌ یانه‌ به‌شداره‌





پێشمه‌رگه‌ سپۆرت - 

به‌ چاودێری‌ وه‌زاره‌تی‌ وه‌رزش و لاوانی‌ عێراق ، یه‌كێتی‌ ناوه‌ندی‌ باله‌ی‌ عێراق خولی‌ باله‌ی‌ كراوه‌ی‌ كچانی‌ یانه‌كانی‌ عێراق ئه‌نجام ده‌دات و واده‌ی‌ ده‌ست پێكی‌ خوله‌كه‌شی‌ دیاری‌ كرد.

بڕیاره‌ به‌به‌شداری‌ 13 یانه‌ی‌ عێراق له‌ ڕۆژی‌ 16 / 12 / 2017 و له‌ شاری‌ به‌غداد و هۆڵی‌ شه‌عب یاریه‌كانی‌ خوله‌كه‌ ده‌ست پێبكات ، ئه‌مه‌و بڕیاره‌ ڕۆژێك پێش ده‌ست پێكی‌ یاریه‌كانی‌ خوله‌كه‌ كۆبونه‌وه‌ی‌ هونه‌ری‌ ئه‌نجام بدرێت و تێیداو تیپه‌كان دابه‌شی‌ سه‌ر دوو كۆمه‌ڵه‌ی‌ جیاواز ده‌كرێت .

خولی‌ باله‌ی‌ كچانی‌ یانه‌كانی‌ عێراق به‌ببه‌شداری‌ تیپه‌كانی‌ ( پێشمه‌رگه‌ی‌ سلێمانی‌ ، ئافرۆده‌یت ، ته‌ق ته‌ق ، الخیرات ، فتات نینوی‌ ، شه‌هره‌بان ، قه‌ره‌قوش ، ئه‌مانه‌ به‌غداد ، سۆلاڤ ، فه‌تات نه‌جه‌ف ، ئه‌رمه‌نی‌ ، الختوت ، الشباب ) به‌ڕێوه‌ بچێت ویاریه‌كانی‌ ماوه‌ی‌ هه‌شت ڕۆژ به‌رده‌وام بێت .



PM:04:19:05/12/2017




ئه‌م بابه‌ته 477 جار خوێنراوه‌ته‌وه‌‌