ته‌ندروستی -
ره‌نگه ئه‌مه كارێكی سه‌یر بێت به‌لاته‌وه، به‌لاَم ئاوی برنج یه‌كێكه له باشترین پێكهاته سروشتیه‌كان بۆ جوانكردنی پێست و قژ، ئاماده‌كردنی ئاسانه و ده‌بێته هۆی زیندوكردنه‌وه‌ی خانه مردووه‌كانی پێست، ده‌كرێ نیو كوپ برنج بخه‌یته ده‌فرێكی پر له ئاو بۆ ماوه‌ی 15-30 خوله‌ك به‌جێی بهێڵیت و دواتر بیپاڵێویت و له به‌فرگردا هه‌ڵیبگریت و رۆژانه به‌كاریبهێنیت.
سودی ئاوی برنج بۆ پێست:
پێستی روخسار هه‌ر جۆرێكه ده‌توانی ئاوی برنجی بۆ به‌كاربێنێت، چونكه ئاوی برنج پێست ده‌گه‌شێنێته‌وه و بریقه‌داری ده‌كات، هه‌روه‌ها رێگری له ده‌ركه‌وتنی زیپكه ده‌كات و زوو چاكی ده‌كاته‌وه، چونكه ده‌وڵه‌مه‌نده به ڤیتامین و مادده‌ی به‌سود، ده‌توانی به لۆكه‌یه‌ك بیده‌ی له‌و شوێنانه‌ی زیپكه و برینی لێهاتووه له ده‌موچاوتدا بێ ئه‌وه‌ی وشكی بكه‌یته‌وه با چه‌ند خوله‌كێك پێوه‌ی بمێنێته‌وه، هه‌روه‌ها به‌كارهێنانی ئاوی برنج رۆژانه بۆ روخسار باشترین پێست پێده‌به‌خشێت و ئه‌نجامه‌كه‌ی هه‌ست پێده‌كه‌یت.
سودی ئاوی برنج بۆ قژ:
به‌هۆی ئه‌وه‌ی ئاوی برنج برێكی زۆر پێكهاته‌ی "ئاینوزیتول" تێدایه كه یه‌كێكه له ڤیتامینه به‌سوده‌كان بۆ قژ و ده‌بێته هۆی به‌هێزكردنی قژ و رێگری ده‌كات له هه‌ڵوه‌رینی، ده‌توانی پێش خۆشتنی بۆ ماوه‌ی 10-20 خوله‌ك بیده‌ی له قژت.