سەردێری هەواڵ
كوڕ و كچه‌ لاوه‌كانی‌ پێشمه‌رگه‌ ئاماده‌ی‌ پاڵه‌وانێتیه‌كه‌ی‌ كوردستانن ڤیدیۆ - بێ ئه‌وه‌ی‌ قاچیان به‌ر تۆپ كه‌وێت بوونه‌ خاوه‌نی‌ گۆڵ شه‌تڕه‌نج زانه‌ پاڵه‌وانه‌كانی‌ پێشمه‌رگه‌ میوانی‌ جێگری‌ سه‌رۆكی‌ یانه‌ بوون - جامی‌ یه‌كه‌می‌ پێشكه‌ش كرا پاڵه‌وانێتی‌ تیروكه‌وانی‌ یانه‌كانی‌ كوردستان له‌سه‌ر ئاستی‌ كچان و كوڕان به‌رێوه‌ده‌چێت ئه‌نه‌سی‌ پێشمه‌رگه‌ پله‌ی‌ دووه‌می‌ بۆ شاری‌ سلێمانی‌ به‌ده‌ست هێنا فه‌رمی‌.. فرانك ریبیری‌ گرێبه‌ستی‌ له‌گه‌ڵ یانه‌یه‌كی‌ چاوه‌ڕواننه‌كراو واژووكرد له‌سه‌ر ئاستی‌ تیمیش لاوانی‌ پێشمه‌رگه‌ یه‌كه‌می‌ عێراق بوون ئه‌نجامی‌ یارییه‌كه‌ی‌ تازه‌پێگه‌یشتوانی‌ پێشمه‌رگه‌ به‌ یه‌كسان بوون كۆتایی‌ هات ئه‌حمه‌د جه‌زایی‌ یاریزانی‌ یانه‌ی‌ پێشمه‌رگه‌ یه‌كه‌می‌ عێراق بوو كه‌مپه‌ ئاماده‌كارییه‌كه‌ی‌ هه‌ڵبژارده‌ی‌ تازه‌پێگه‌یشتوانی‌ عێراق به‌رده‌وامه‌

ئەگەر لە كوردستان ڕاهێنەری ئافرەت هەبــووایە كچە یاریزانەكان ئاسوودەتر دەبوون

ئەگەر لە كوردستان ڕاهێنەری ئافرەت هەبــووایە كچە یاریزانەكان ئاسوودەتر دەبوون




ئومێد ئیبراهیم - هەولێر

تیپی فوتساڵی یانەی ئافرۆدێتی سلێمانی كە یانەیەكی بەشداربووی خولی فوتساڵی كچانی یانە نایابەكانی كوردستانە، یانەكە ئەمساڵ جیاواز لە ساڵانی ڕابڕدوو بە ئاستێكی بەرزتر دەركەوتووە و توانیویانە خۆیان بگەیەننە یاریی كۆتایی خولەكە، كە لە دوو وەرزی ڕابردوو یانەكە بەم قۆناغە نەگەیشتبوو،

بێگومان گەیشتن بەم ئەنجامەیش لەخۆوە نەبووە و ئاستبەرزی یاریزانانی تیپەكە و بوونی ڕاهێنەرێكی لێهاتوو هۆكاری سەرەكی ئەم ئەنجامەن، یەكێك لەم كچە یاریزانانەیش (حەلیمە جەلیل)ـە، ئەو لەدایكبووی ساڵی 1995 ـی شارەدێی گۆپاڵەی سەر بە پارێزگەی سلێمانییە و لە ئێستەیشدا جگە لەوەرزش، سەرقاڵی خوێندنە و قوتابی قۆناخی سێیەمی كۆلێژی پەروەردەی وەرزشی زانكۆی سلێمانییە، لە دیمانەیەكی (ڕۆژنامەی هەولێر) ـدا چەند پرسیارێكمان ئاراستەی ئەو كچە یاریزانە كرد و ئەویش وەها وەڵامی داینەوە.

• چۆن و كەی هاتیتە نێو بواری وەرزش؟

- وەرزشكردن خولیایەكی منداڵیم بووە، هەربۆیە لەوكاتەوە وەرزشم كردووە و بەتایبەت لە قۆناخەكانی خوێندنم لە گۆپاڵە، لەسەرەتایشەوە یاریی (فوتساڵ)ـم كردووە و تەنیا ئەم یارییەیش ئەنجام دەدەم.

• كەی وەرزشكردنت لە قوتابخانە بۆ یانە گواستەوە؟

- ساڵی (2012) پێوەندیم بە یانەی ئافرۆدێتی سلێمانییەوە كرد و تا ئێستەیش لەگەڵ ئەو یانەیە بەردەوامم.

• لە ئێستەدا وەرزشی كوردستان چۆن دەبینیت؟

- هەروەك لای هەمووان ئاشكرایە بەهۆی ئەم قەیرانە داراییەی كوردستانی گرتووەتەوە لە زۆربەی بوارەكان چالاكییەكان پەكیان كەوتووە و ناكرێن، یان ئەگەر بشكرێن بەگوێرەی پێویست نییە، یەكێك لەوانەیش بواری وەرزشە كە بووەتە هۆی ئەوەی هیچ پێشڤەچوونێك بەخۆیەوە نەبینێت.

• دوای (سێ) ساڵ توانیتان لە كچانی یانەی زێرەڤانی ببەنەوە، هەستت چۆن بوو؟

- بێگومان هەستی بردنەوە بۆ هەر یاریزانێك هەستێكی خۆشە، بەتایبەت ئەگەر یانەی ڕكەبەرت یانەیەكی بەهێز بێت، (زێرەڤانی)ـیش تیپێكی بەهێزە و پاڵەوانی دوو وەرزی ڕابڕدووە و بردنەوە لێی چێژێكی تایبەتی هەبوو.

• ئامادەكاریتان بۆ یاریی كۆتایی چۆنە؟

- ئێمە بەقۆناخێكی گرینگ و هەستیار گەیشتووینە، بۆیە دەبێ هێمنانە ڕەفتار لەگەڵ بارودۆخەكە بكەین و ئەم هەلە لەدەست نەدەین، هەر بۆیە ئامادەكارییەكانمان بەشێوەیەكی چڕو زۆرباش بەڕێوەدەچێت و تا ڕاددەیەكی زۆرباش بۆ یاریی كۆتایی ئامادەین.

• كێشەكانتان چین؟

- كێشەمان تەنیا داراییە، ئەمیش بەهۆی دڵسۆزی و خەمخۆری نێوان (دەستەی كارگێڕی و ڕاهێنەر و یاریزانان) توانیومانە بەسەر كێشە و ئاستەنگەكاندا زاڵ بین.

• تا چەند ئاسوودەیت وەك كچە یاریزانیك لەژێر سەرپەرشتی ڕاهێنەرێكی (پیاو) ـدا یاری دەكەیت؟
- ئەگەر لە كوردستان ڕاهێنەری ئافرەت هەبووایە، بێگومان كچە یاریزانەكان ئاسوودەتر دەبوون، لەگەڵ ئەوەیشدا بوونی ڕاهێنەری پیاو ڕێگر نەبووە لە بەرەوپێشچوونمان.

• بارودۆخی وەرزش لە كوردستان چۆن دەبینیت؟

- بەداخەوە وەرزش لە كوردستان لە ئاستێكی باشدا نییە، سەرەڕای هەبوونی كەسانی بەتوانا لەم بوارەدا، هیوادارم لە داهاتوودا زیاتر گرینگیی بە بواری وەرزش بدرێت بۆ ئەوەی بگەینە ئاستی وڵاتانی پێشكەوتوو.

• دوا قسەت؟

- زۆر سوپاسی دایك و باوكی ئەزیزم دەكەم كە هاوكار و پاڵپشتی سەرەكیم بوونە، زۆر سوپاسی ڕاهێنەر و یاریزانانی هاوڕێم دەكەم لە یانەی ئافرۆدێت كە بەردەوام هانم دەدەن و سوپاس بۆ ئێوەیش بۆ ئەم دەرفەتە، هیوادارم زیاتر گرینگی بە وەرزشی كچان بدەن.



PM:03:35:24/11/2015




ئه‌م بابه‌ته 1227 جار خوێنراوه‌ته‌وه‌‌


زۆرترین خوێنراو‌
‌ ‌