‌شه‌ش ئامۆژگاری بۆ سه‌لامه‌تی ته‌ندروستی ئێسكه‌كان




ته‌ندروستی‌ - 

له‌گه‌ڵ چونه‌ ته‌مه‌ن ئێسكه‌كانی مرۆڤ لاواز ده‌بێت، زۆر گرنگه‌ پێش ئه‌وه‌ی‌ بچیته‌ ته‌مه‌نه‌وه‌ كۆمه‌ڵێك ڕێنمایی په‌یڕه‌و بكه‌یت بۆ ئه‌وه‌ی‌ ته‌مه‌ن كار له‌ سه‌لامه‌تی ئێسكه‌كانت نه‌كات و له‌م بابه‌ته‌دا دكتۆر ئازا بابان پسپۆڕی نەشتەرگەری ئێسک و شکان گرنگترین ئه‌و خاڵانه‌ باس ده‌كات كه‌ هه‌موان پێویستیان پێیه‌تی.

1- پەیڕەوکردنی خواردنی تەندروست کە بەشێکی باشی سەوزەو مێوە و شیرو بەرهەمەکانی تێدا بێت

2- پێویستە ئەوانەی نەخۆشی جومگەکان و ئەژنۆیان هەیە ئەو خواردنانە بخۆن کە بڕێکی باشی ڤیتامین D ,C ,k تێدابێت کە یارمەتی دروستکردنی کڕکڕاگە دەدات وە یارمەتی هەلمژینی کالیسیۆم لە ریخۆڵە دەدات بۆ نمونە پرتەقاڵ و كه‌له‌رم و سپێناع وتەماتە هتد.

3- وەرزش کردن یارمەتی دابەزینی کێشی لەش دەدات وە نەرمی (فلێکسەبلتی) ماسولکەکان زیاد دەکات.

4- کێشی لەشت دابەزێنە بۆ سەلامەتی ئەژنۆکانت، ئەژنۆکان سێ تا چوار قاتی کێشی لەش هەڵدەگرێت لە کاتی ڕۆیشتندا.

5- چا و قاوە وە خواردنە گازیەکان کەم بکەوە، کە هەڵمژینی کالیسوم لە ڕیخۆڵەکان کەمدەکاتەوە وە دەبێتە هۆی بێ هێزی ئێسک.

6- بۆ ئەو کەسانەی کێشەی ئەژنۆیان هەیە گەرم راگرتنی ئەژنۆ یارمەتی کەمبوونەوەی ئازاری ئەژنۆ دەدات.


PM:04:33:20/03/2020




ئه‌م بابه‌ته 1337 جار خوێنراوه‌ته‌وه‌‌


زۆرترین خوێنراو‌
‌ ‌