‌سەرۆكی تۆپی پێی ئیسپانیا بابەتی پاڵەوانبونی بەرشەلۆنە یەكلایی دەكاتەوە بەم ریزبەندییەی ئێستا




پێشمه‌رگه‌ سپۆرت -


لویس رۆبالێسی سەرۆكی یەكێتی تۆپی پێی ئیسپانیا رەتیدەكاتەوە بەم ریزبەندییەی ئێستا پاڵەوانی خولی ئیسپانی دیاری بكەن و دەڵێت هەوڵ دەدەین بە باشترین شێوەی دادپەروەرانە پاڵەوانی ئەم وەرزە دیاری بكەن.

لە میانەی لێدوانێكیدا بۆ رۆژنامەی مۆندۆدیپۆرتیڤۆ رۆباڵیسی سەرۆكی یەكێتی تۆپی پێی ئیسپانیا دەڵێت : ئەم ماوەیە قورسە بە نیسبەت ئیسپانیاوە ، بەڵام ئێمە لە كارەكانمان بەردەوام دەبین .

رۆباڵیس دەشڵێت: دەمانەوێت بە شێوەیەكی دادپەروەرانە كۆتایی بە وەرزی ئەمساڵی خولی ئیسپانی بهێنین  و بێگومان ئەم ریزبەندییەی ئێستا نابێتە پێوەر بۆ دیاری كردنی پاڵەوان 

رۆباڵییس لە درێژەی لێدوانێكیدا دەڵێت : خول كە وەستا دەبێت دەستپێبكاتەوە ئەگەریش دەستی  پێنەكردووە دەبێ لەگەڵ یەكێتی تۆپی پێی ئەوروپا دانیشین  و باشترین بڕیاربدەین لەسەر پاڵەوانی خولەكە .

لە كۆتایشدا رۆبالێس وتی داوامان لێكراوە تا مانگی شەش كۆتایی بە خولەكە بهێنین ، بەڵام سەلامەتی گیانی یاریزانان لای ئێمە لە پێشترە.


PM:12:55:18/03/2020




ئه‌م بابه‌ته 5429 جار خوێنراوه‌ته‌وه‌‌


زۆرترین خوێنراو‌
‌ ‌