واده‌ی‌ خولی‌ نایابی‌ فوتساڵی‌ كچانی‌ یانه‌كانی‌ كوردستان دیاری‌ كرا - دووباره‌ تیروپشك بۆ یارییه‌كان ئه‌نجام درا




پێشمه‌رگه‌ سپۆرت -

له‌ كۆبونه‌وه‌ی‌ خۆیدا یه‌كێتی‌ ناوه‌ندی‌ تۆپی‌ پێی‌ كوردستان بڕیاری‌ دا كه‌ یارییه‌كانی‌ خولی‌ نایابی‌ فوتساڵی‌ كچانی‌ یانه‌كانی‌ كوردستان ئه‌نجام بدرێت ئه‌وه‌ش دوای‌ كۆبوونه‌وه‌ له‌گه‌ڵ نوێنه‌رانی‌ یانه‌ پله‌نایابه‌كانی‌ فوتساڵی‌ كچانی‌ كوردستان و له‌سه‌ر داوا و پێشنیاری‌ خۆیان بڕیار درا كه‌ یارییه‌كانی‌ خوله‌كه‌ به‌ڕێوه‌ بچێت .

ده‌ست پێكی‌ یارییه‌كانی‌ خوله‌كه‌ له‌ به‌رواری‌ 27 / 3 / 2020 ده‌بێت و حه‌وت تیپی‌ فوتساڵی‌ یانه‌كانی‌ كوردستان تێیدا به‌شداری‌ ده‌كه‌ن كه‌ یارییه‌كانی‌ به‌ شێوازی‌ خول و به‌ یه‌ك قۆناغ ده‌بێت و له‌ كۆتایش خاوه‌ن زۆرترین خاڵه‌كان ده‌گه‌نه‌ قۆناغی‌ چوار گۆشه‌ی‌ زێڕینی‌ خوله‌كه‌ .

هه‌ر له‌ كۆبونه‌وه‌ی‌ یه‌كێتی‌ تۆپی‌ پێی‌ كوردستان بڕیار درا كه‌ هه‌ریانه‌یه‌ك یاریزانی‌ ده‌ره‌وه‌ی‌ هه‌رێم بانگێشت بكات ده‌بێت پشكنینی‌ ته‌ندروستی‌ باوه‌ڕپێكراویان هه‌بێت و ڕاده‌ستی‌ لیژنه‌ی‌ پێشبڕكێكان بكرێت ، ئه‌مه‌و به‌هۆی‌ گۆڕانكاری‌ له‌ شێوازی‌ به‌ڕێوه‌ چوونی‌ خوله‌كه‌ دووباره‌ تیروپشكی‌ یارییه‌كان ڕاكێشرایه‌وه‌ كه‌ گه‌ڕی‌ یه‌كه‌می‌ یارییه‌كانی‌ به‌م شێوه‌یه‌ ده‌بێت .


چۆمان × زێره‌ڤانی‌
ئافره‌تانی‌ هه‌ولێر × دووكان
سیروانی‌ نوێ × ئه‌فرۆده‌یت
هه‌ڵه‌بجه‌ی شه‌هید چاوه‌ڕوانه



PM:10:21:07/03/2020




ئه‌م بابه‌ته 3684 جار خوێنراوه‌ته‌وه‌‌