سەردێری هەواڵ
ئه‌هلی‌ میسری‌ نازناوی‌ پاڵه‌وانێتی‌ باله‌ی‌ یانه‌كانی‌ عه‌ره‌بی‌ برده‌وه‌ برایه‌تی‌ و سیروانی‌ نوێ‌ براوه‌ بوون هه‌واڵ - وێنه‌ : پێشمه‌رگه‌ی‌ سلێمانی‌ بردنه‌وه‌كانیان درێژه‌ پێداو سێ‌ خاڵی‌ گرنگیان له‌ سۆران وه‌رگرت پێشمه‌رگه‌ پله‌ی‌ هه‌شته‌می‌ پاڵه‌وانێتی‌ باله‌ی‌ عه‌ره‌بی‌ به‌ده‌ست هێنا پێشمه‌رگه‌ توشی‌ شكست هات خشته‌ی‌ یارییه‌كانی‌ هه‌فته‌ی‌ شانزه‌ی‌ خولی‌ پله‌ نایابی‌ كوردستان - پێشمه‌رگه‌ یاری‌ هه‌یه‌ خولی‌ نایابی‌ تۆپی‌ سه‌رمێزی‌ یانه‌كانی‌ عێراق ئه‌نجام ده‌درێت - پێشمه‌رگه‌ی‌ سلێمانی‌ بۆ گه‌یشتن به‌ قۆناغی‌ بژارده‌ یاری‌ ده‌كات پێشمه‌رگه‌ی‌ سلێمانی‌ به‌ربه‌ستی‌ ئه‌هلی‌ به‌حرێنی‌ نه‌بڕی‌ یارییه‌كانی‌ هه‌فته‌ی‌ كۆتای‌ خولی‌ پله‌ یه‌كی‌ كوردستان به‌ڕێوه‌ چوون و یه‌ك یاری‌ دواخرا هه‌ڵبژارده‌ی‌ باسكه‌ی‌ عێراق توشی‌ دووه‌م شكست هات

کە وەرزش هاوتای ڕەوشت دەبێت ڕۆحی وەرزش لە سلێمانی بوو




پێشمه‌رگه‌ سپۆرت -

خەلیل ئیسماعیل نە نووسین نە گێڕانەوە نە شانامە و نە پیاهەڵدان و نە شیعر هۆنینەوە نە هیچ شتێک ناگات بە مەزنی تۆ و مێژووی تۆ و کەسێتی و ڕەوشتی تۆ و خۆشەویستی بۆ تۆ.

ماوەی ساڵێک دەبێت ڕێکخراوی وەرزشکارە دێرینەکانی سلێمانی دروست بووە لە ماوەی ئەو ساڵەدا ڕێکخراوەکە هێند شانازی بۆ خۆی تۆمار کردووە هەر لە ڕێزلێنان بۆ وەرزشکارانی دێرین و لە یاد کراوان بۆ هاوکاری کردنی وەرزشکارانی نەخۆش و ناساغ بۆ بە سەر کردنەوەی ئەو وەرزشکارانەی لە ناو جێگەدا کەوتوون و نەخۆشن و ناتوانن بێنە دەرەوە بۆ ساز کردنی چەند دیدارێکی وەرزشی جوان، بەڵام هیچ کام لەو ساتانە بە هێندی ئەمڕۆ پڕ چێژ و شانازی نەبوو بە تایبەت بۆ دانەر ئەسڵان ئینجا بۆ تەواوی ئامادە بووان لەو دیدار و ستاییش و ڕێزلێنانەدا کە لە پیاوێک نرا سلێمانی لە هەمووان زیاتر بیری دەکات ئینجا نەوە بە دوای نەوە لە یاریزانانی گۆڕەپان و مەیدان و دواتر یاریزانانی تۆپی دەست و چالاکی وەرزشی لە شارەکەدا.

مامۆستا خەلیل خانەقینی مامۆستای قوتابخانەی ئەیوبی و دواتر سیروان کە بە پیاوە مەزنەکەی مەلعەب تەربییە ناسراو بوو ئەمڕۆ میدالیای ڕێزلێنان و لۆگۆی ستاییش و سوپاسگوزاری نەک ڕێکخراوی وەرزشکارە دێرینەکانی پێشکەش کرا بەڵکو خەڵاتی سوپاسگوزاری شاری سلێمانی پێ بەخشرا بە ئامادە بوونی خانم و کچی بەڕێزیان و هاوڕێ و هاوتەمەنەکانی و یاریزانەکانی هەموان لە کەشێکی پڕ خۆشی و پێکەنین و خۆشی بەخشینەوەدا لەگەڵ ئەو پیاوە جوان و مەزنە ئاوێتە بوونەوە و یاد و یادەوەری کۆن و سەردەمانی زێڕینی وەرزشی ئەم شارەیان کردەوە کە تیایدا مێژوو بە پیت و وشەی زێڕین و گەوهەری ناوی خەلیل ئیسماعیل تۆمار دەکات لە دوو توێی مێژووی پڕ سەروەری خۆیدا.

پاش دیدار و گفتوگۆیەکی خۆش لە نێوان میوانی شیرین و ئازیز و ئامادە بوواندا هەمووان یەک داوایان ئاراستەی مامۆستا خەلیل کرد.

بگەڕێرەوە سلێمانی ... تکایە
تۆ و سلێمانی وەکو ماسی و ئاو
وەکو پەروانە و چرا 
وەکو سلێمانی و گیانی کوردایەتی
وەکو وەرزش و چوارباخ
پێویستی یەکترن 
تۆ و سلێمانی عاشقی یەکن
تکایە ژیانت بگەڕێنەرەوە سلێمانی.



PM:09:00:09/02/2020




ئه‌م بابه‌ته 1812 جار خوێنراوه‌ته‌وه‌‌


زۆرترین خوێنراو‌
‌ ‌