سەردێری هەواڵ
ئه‌هلی‌ میسری‌ نازناوی‌ پاڵه‌وانێتی‌ باله‌ی‌ یانه‌كانی‌ عه‌ره‌بی‌ برده‌وه‌ برایه‌تی‌ و سیروانی‌ نوێ‌ براوه‌ بوون هه‌واڵ - وێنه‌ : پێشمه‌رگه‌ی‌ سلێمانی‌ بردنه‌وه‌كانیان درێژه‌ پێداو سێ‌ خاڵی‌ گرنگیان له‌ سۆران وه‌رگرت پێشمه‌رگه‌ پله‌ی‌ هه‌شته‌می‌ پاڵه‌وانێتی‌ باله‌ی‌ عه‌ره‌بی‌ به‌ده‌ست هێنا پێشمه‌رگه‌ توشی‌ شكست هات خشته‌ی‌ یارییه‌كانی‌ هه‌فته‌ی‌ شانزه‌ی‌ خولی‌ پله‌ نایابی‌ كوردستان - پێشمه‌رگه‌ یاری‌ هه‌یه‌ خولی‌ نایابی‌ تۆپی‌ سه‌رمێزی‌ یانه‌كانی‌ عێراق ئه‌نجام ده‌درێت - پێشمه‌رگه‌ی‌ سلێمانی‌ بۆ گه‌یشتن به‌ قۆناغی‌ بژارده‌ یاری‌ ده‌كات پێشمه‌رگه‌ی‌ سلێمانی‌ به‌ربه‌ستی‌ ئه‌هلی‌ به‌حرێنی‌ نه‌بڕی‌ یارییه‌كانی‌ هه‌فته‌ی‌ كۆتای‌ خولی‌ پله‌ یه‌كی‌ كوردستان به‌ڕێوه‌ چوون و یه‌ك یاری‌ دواخرا هه‌ڵبژارده‌ی‌ باسكه‌ی‌ عێراق توشی‌ دووه‌م شكست هات

یه‌كێتی‌ تۆپی پێی كوردستان بڕیار و راسپارده‌ی‌ نوێی ده‌ركرد




پێشمه‌رگه‌ سپۆرت -

به‌ ئاماده‌بوونی‌ سه‌رۆك و جێگر و سه‌رجه‌م ئه‌ندامه‌كانی‌، یه‌كێتی‌ تۆپی پێی كوردستان كۆبوونه‌وه‌ی‌ هه‌فتانه‌ی‌ خۆی‌ ئه‌نجامدا و، ئه‌م بڕیار و راسپاردانه‌ی‌ خواره‌وه‌ی‌ ده‌ركرد:

1- له‌ یاری‌ نێوان برایه‌تی‌ و هه‌ندرێن له‌ خولی‌ نایابی‌ كوردستان، به‌ هۆی‌ ده‌ركردنی‌ راهێنه‌ری‌ یانه‌ی‌ هه‌ندرێن (دڵشاد مه‌عرووف) هه‌روه‌ها به‌رده‌وامی‌ و پێداگیری له‌ نه‌چوونه‌ ده‌ره‌وه‌ی‌ له‌ یاریگه‌، ته‌نیا له‌ رێگه‌ی‌ سه‌رۆكی‌ یانه‌ی‌ هه‌ندرێن چووه‌ته‌ ده‌ره‌وه‌ بڕیاردرا به‌:

• راگرتنی‌ ناوبراو بۆ دوو یاری‌، یه‌ك یاری‌ به‌ هۆی‌ كارتی‌ سوور و یه‌ك یارییش به‌ بڕیار.

• غه‌رامه‌كردنی‌ ناوبراو به‌ بڕی‌ 1,000,000 یه‌ك ملیۆن دینار.

• پێویسته‌ بڕی‌ غه‌رامه‌كه‌ راده‌ستی‌ ژمێریاری‌ یه‌كێتییه‌كه‌مان بكرێت، به‌ پێچه‌وانه‌وه‌ ناتوانێ دوای‌ ته‌واوبوونی‌ سزاكه‌ی‌ له‌ یاریگه‌ له‌گه‌ڵ یانه‌كه‌ی‌ ئاماده‌بێت.

2- هه‌ر یه‌كێك له‌ ستافی‌ هونه‌ری‌ و سه‌رپه‌رشتیاری‌ تیپ و خزمه‌تگوزار و یاریزانانی‌ یه‌ده‌گ، له‌ سه‌رجه‌م چالاكییه‌كانی‌ یه‌كێتییه‌كه‌مان، ئه‌گه‌ر ده‌رچوون له‌ گیانی‌ وه‌رزشی‌ یان به‌ هۆی‌ وته‌ی‌ ناشیاو و ناڕه‌زایی و هه‌ڕه‌شه‌ ده‌ركران یان كێشه‌ و گرفت دروست بكه‌ن، ئه‌وا سزا ده‌درێن به‌ بڕی‌ 1.000.000 یه‌ك ملیۆن دینار.

3- له‌ یاری‌ نێوان رزگاری‌ و هه‌ڵۆ له‌ خولی‌ پله‌یه‌كی‌ كوردستان، به‌ هۆی‌ به‌كارهێنانی‌ یاری‌ ئاگرین و ترسناك له‌ لایه‌ن هانده‌رانی‌ یانه‌ی‌ رزگاری‌، بڕیاردرا به‌:

• غه‌رامه‌كردنی‌ یانه‌ی‌ رزگاری‌ به‌ بڕی‌ 250,000 دوو سه‌د و په‌نجا هه‌زار دینار.

• ئاگاداری‌ كۆتایی بۆ یانه‌ی‌ رزگاری‌, له‌ ئه‌گه‌ری‌ دووباره‌ بوونه‌وه‌ سزاكه‌ توندتر ده‌بێت.

• پێویسته‌ بڕی‌ غه‌رامه‌كه‌ پێش یاری‌ داهاتوویان راده‌ستی‌ ژمێریاری‌ یه‌كێتییه‌كه‌مان بكرێت، به‌ پێچه‌وانه‌وه‌ یارییه‌كه‌یان ئه‌نجام نادرێت، سه‌رپه‌رشتیاری‌ یاری‌ ئه‌م بڕیاره‌ جێبه‌جێ ده‌كات.

4- یارییه‌كانی‌ گه‌ڕی‌ یازده‌یه‌می‌ خولی‌ پله‌یه‌كی‌ كوردستان، له‌ رۆژی‌ سێشه‌ممه‌ 2020/2/11 ئه‌نجام ده‌درێت.

5- یارییه‌كانی‌ گه‌ڕی‌ پازده‌یه‌می‌ خولی‌ نایابی‌ كوردستان، له‌ رۆژی‌ پێنجشه‌ممه‌ و هه‌ینی‌ ئه‌نجام ده‌درێت به‌مشێوه‌یه‌ی‌ خواره‌وه‌:

یارییه‌كانی‌ رۆژی‌ پێنجشه‌ممه‌ 2020/2/13

هه‌ولێر × برایه‌تی‌
سیروانی‌ نوێ × نه‌ورۆز

یارییه‌كانی‌ رۆژی‌ هه‌ینی‌ 2020/2/14

سۆران × دهۆك
هه‌ندرێن × شێروانه‌
پێشمه‌رگه‌ی‌ هه‌ولێر × زاخۆ
ده‌ربه‌ندیخان × پێشمه‌رگه‌ی‌ سلێمانی‌

6- سه‌رجه‌م یارییه‌كانی‌ خولی‌ نایاب و پله‌یه‌كی‌ كوردستان، له‌ كاتژمێر 3:00 ـی‌ ئێواره‌ ئه‌نجام ده‌درێت.


PM:07:59:08/02/2020




ئه‌م بابه‌ته 1447 جار خوێنراوه‌ته‌وه‌‌


زۆرترین خوێنراو‌
‌ ‌