پێشمه‌رگه سپۆرت -
له به‌رده‌وامی یارییه‌كانی خولی بێچوه شێرانی یانه‌كانی شاری سلێمانی و ده‌وروبه‌ری دا كه بۆ له دایك بوانی ( 2005 و 2006 ) و له لایه‌ن یه‌كێتی تۆپی پێی سلێمانی یه‌وه كراوه‌ته‌وه تیپی بێچوه شێرانی یانه‌ی وه‌رزشی پێشمه‌رگه به یارییه‌كی به‌هێز ڕوبه‌ڕوی بێچوه شێرانی یانه‌ی نه‌ورۆز بونه‌وه و دوایی یه‌كسان بوونی هه‌ردوو تیم به سێ گۆڵ بۆ هه‌رلایه‌كیان سه‌رئه‌نجام ناوبژیوانی یارییه‌كه په‌نایی برده به‌ر لێدانه یه‌كلاكه‌ره‌وه‌كان و بێچوه شێرانی یانه‌ی وه‌رزشی پێشمه‌رگه توانیان به ئه‌نجامی 3-1 گۆڵ بردنه‌وه به‌ده‌ست بهێنن .
جێگه‌ی باسه تیپی بێچوه شێرانی یانه‌ی وه‌رزشی پێشمه‌رگه یه‌كێكه له تیپه‌كانی سه‌ر به فێرگه‌ی یانه‌كه كه به‌رده‌وام و سالاَنه ده‌سته‌ی ڕاهێنه‌ران ده‌یانه‌وێت نه‌وه‌یه‌كی نوێی یاریزانان بهێنه نێو یاریگه و ببنه داهاتووی یاری تۆپی پێ له یانه‌كه‌دا.