به‌ وێنه‌ : باله‌ی‌ پێشمه‌رگه‌ دوا یه‌كه‌ی‌ مه‌شقی‌ ئه‌نجام دا و یارییه‌ ئاگرینه‌كان ئه‌نجام ده‌دات


پێشمه‌رگه‌ سپۆرت -

تیپی‌ باله‌ی‌ یانه‌ی‌ وه‌رزشی‌ پێشمه‌رگه‌ بۆ كێبڕكێی‌ به‌هێزی‌ قۆناغی‌ بژارده‌ی‌ خولی‌ باله‌ی‌ یانه‌كانی‌ عێراق دوا یه‌كه‌ی‌ مه‌شقی‌ خۆی‌ له‌ نێو هۆڵی‌ داخراوی‌ كۆلێژی‌ په‌روه‌رده‌ی‌ وه‌رزشی‌ زانكۆی‌ سه‌لاَحه‌دین ئه‌نجام دا .

بڕیاره‌ یارییه‌كانی‌ قۆناغی‌ بژارده‌ی‌ خوله‌كه‌ به‌به‌شداری‌ تیپی‌ باله‌ی‌ یانه‌كانی‌ ( پێشمه‌رگه‌ی‌ سلێمانی‌ ، هه‌ولێر ، شوڕته‌ ، ده‌غاره‌ ، جه‌یش ، به‌حری‌ و غاز جنوب ) و له‌ ڕۆژانی‌ 25 تا 1 / 2 / 2020 به‌ڕێوه‌ بچێت و سه‌رجه‌م یاریه‌كانیش له‌ هۆڵی‌ داخراوی‌ كۆلێژی‌ په‌روه‌رده‌ی‌ وه‌رزشی‌ زانكۆی‌ سه‌لاَحه‌دین ده‌بێت .

ئه‌مه‌و یه‌كێتی‌ باله‌ی‌ عێراق بڕیاری‌ داوه‌ له‌م قۆناغه‌دا خه‌ڵه‌كان ببنه‌ خانه‌ی‌ به‌هێزی‌ گه‌یشتن به‌ قۆناغی‌ چوار گۆشه‌ی‌ زێڕینی‌ خوله‌كه‌ ، كه‌ وا بڕیاره‌ یاریه‌كانی‌ ئه‌و قۆناغه‌ له‌ شاری‌ سلێمانی‌ و له‌ نێو هۆڵی‌ یانه‌ی‌ وه‌رزشی‌ پێشمه‌رگه‌ ئه‌نجام بدرێن .

له‌ یه‌كه‌م یاری‌ خۆیدا تیپی‌ باله‌ی‌ یانه‌ی‌ وه‌رزشی‌ پێشمه‌رگه‌ ڕوبه‌ڕوی‌ یانه‌ی‌ شوڕته‌ی‌ پاڵه‌وانی‌ وه‌رزی‌ ڕابردووی‌ خوله‌كه‌ ده‌بێته‌وه‌ و بڕیاره‌ ئه‌و یارییه‌ش له‌ كاتژمێر 2:00 ی‌ پاش نیوه‌ڕۆی‌ ڕۆژی‌ شه‌ممه‌ 25 ی‌ 1 / 2020 ئه‌نجام بدرێت .

ئه‌مه‌و خشته‌ی‌ یارییه‌كانی‌ خوله‌كه‌ش له‌ ڕۆژانی‌ یه‌كه‌م و دووه‌م به‌م شێوه‌یه‌ ده‌بێت :
 
یارییه‌كانی‌ ڕۆژی‌ شه‌ممه‌ 25 / 1 / 2020

جه‌یش × ده‌غاره‌ - كاتژمێر 12:00 

پێشمه‌رگه‌ × شوڕته‌ - كاتژمێر 2:00

غاز جنوب × به‌حری‌ - كاتژمێر 4:00

یارییه‌كانی‌ ڕۆژی‌ یه‌ك شه‌ممه‌ 26 / 1 / 2020

شوڕته‌ × غاز جنوب - كاتژمێر 12:00

ده‌غاره‌ × پێشمه‌رگه‌ - كاتژمێر 2:00

هه‌ولێر × جه‌یش - كاتژمێر 4:00




PM:08:38:24/01/2020




ئه‌م بابه‌ته 2383 جار خوێنراوه‌ته‌وه‌‌


زۆرترین خوێنراو‌
‌ ‌