پێشمهرگه سپۆرت -
یانەی ریاڵ مەدریدی ئیسپانی لە دەرەوەی یاریگای خۆی شكستی بە كلوپ بروج هێنا وبە سێ گۆڵ بەرامبەر گۆڵێك لێی بردەوە .
لە كۆتا یاری قۆناغی كۆمەڵەكانی خولی یانە پاڵەوانەكانی ئەوروپا یانەی ریاڵ مەدرید بووە میوانی كلوپ بروج ، تایمی یەكەمی یارییەكە بێ گۆڵ كۆتاییهات . لەتایمی دووەمداو لەخولەكی 53 رۆدریگۆ گۆس گۆڵی یەكەمی بۆ یانەی شاهانە تۆماركرد و دوای دوو خولەك فاناكن ئەنجامەكەی بۆ كلوپ بروج یەكسانكردەوە ، دواتر و لەخولەكی 64ڤینیسیۆس جۆنیۆر گۆڵی دووەمی بۆ یانەی شاهانە زیاد كرد و لەخولەكی 91یشدا مۆدریج گۆڵی سێیەم و دڵنیایی بۆ ریاڵ مەدرید تۆماركرد .
بەو ئەنجامە خاڵەكانی ریاڵ مەدرید بووە 11 خاڵ و وەكو دووەمی كۆمەڵەكەی گەیشتە قۆناغی داهاتوو .
هەر لەم كۆمەڵەیەدا یانەی پاریس سانجێرمان توانی بە پێنج گۆڵی بێ وەڵام لەگەڵەتەسەرای بباتەوە .
گۆڵەكانی یانە پاریسییەكە هەریەكە لە ئیكاردی و سارابیا و نیمار و مباپێ و كاڤانی لەخولەكەكانی 32 و35 و 47 و63 و 84 تۆماریان كرد.
بەو ئەنجامە خاڵەكانی پاریس بووە 16 خاڵ و وەكو یەكەمی گروپەكەی سەركەوت بۆ قۆناغی 16.