سەردێری هەواڵ
پێشمه‌رگه‌ له‌ كۆمه‌ڵه‌ی‌ ئاگرینه‌ و غازیش له‌به‌رامبه‌ر زه‌مالیكی‌ میصری‌ یاری‌ ده‌كات یه‌كێتی‌ تۆپی پێی كوردستان بڕیار و راسپارده‌ی‌ نوێی ده‌ركرد ئامال دووه‌می‌ ڕاكردنه‌ ماوه‌ درێژه‌كه‌ی‌ عێراق بوو ، به‌ یاریزانی‌ هه‌ڵبژارده‌كه‌ی‌ ده‌ست نیشان كرا به‌ وێنه‌ : قه‌ڵغانی‌ سه‌ركه‌وتن به‌ یانه‌ی‌ پێشمه‌رگه‌ به‌خشرا حه‌وت یانه‌ به‌شداره‌ - یارییه‌كان له‌ شاری‌ هه‌ولێر ده‌بێت - پێشمه‌رگه‌ ئاماده‌یه‌ سیروانی‌ نوێ‌ یه‌كسان بوو نه‌ورۆز به‌ربه‌ستی‌ هه‌ولێری‌ نه‌بڕی‌ پێشمه‌رگه‌ی‌ سلێمانی‌ له‌ ده‌ره‌وه‌ی‌ یاریگه‌ی‌ خۆیدا سێ‌ خاڵی‌ له‌ده‌ست دا ‌دوای ماڵئاوایكردنی لە بەرشەلۆنە یانەیەكی تر دەرگا بۆ ڤالڤێردی دەكاتەوە ڕیزبەندی خولی پلەیەکی کوردستان دوای کۆتایی هاتنی یاریەکانی هه‌فته‌ی‌ حه‌وت ئه‌نجامی‌ یارییه‌كانی‌ هه‌فته‌ی‌ حه‌وتی‌ خولی‌ پله‌ یه‌كی‌ كوردستان

چه‌ند ئامۆژگاریه‌ك بۆ توشبوانی نه‌خۆشی شه‌كره‌




ته‌ندروستی‌ - 

شەکرە سەرەکیتریین ھۆکاری سست بوونی گورچیلەکان، لە دەستدانی چاو، بڕینەوەی قاچەکان دادەنرێت لەسەرتاسەری جیھاندا، ھەروەھا بە ھۆکارێکی سەرەکیی تووشبوون بە نەخۆشیەکانی دڵ و مێشک و خوێنبەرەکان دادەندرێت، ھەموو ئەم حاڵەتانە دەتواندرێت ڕێگریی لێ بکرێت بەڵام بە چەند مەرجێک كه‌ دكتۆر زانا دزەیی پسپۆڕی ھەناوی له‌م بابه‌ته‌دا باسی ده‌كات.

1- شەکرە نەخۆشییەکی درێژخایەنە، واتا دەبێ چاودێری شەکرەش درێژخایەن بێت، تەنھا خواردنی دەرمان به‌س نییە، کەسی تووشبوو پێویستە شەش مانگ بۆ ساڵی جارێک لەلایەن پزیشکی پسپۆڕەوە ھەڵسەنگاندنێکی گشتیی بۆ بکرێت.

2- پشکنیی شەش مانگ یان ساڵی جارێک بۆ: فشاری خوێن، چەوریی خوێن، پشکنینی فرمانی گورچیلەکان، پشکنینی چاو، پشکنینی قاچەکان و موولوولە دەمارەکانی پەلەکان، پشکنینی دڵ، سەرەکیتریین پشکنین و ھەڵسەنگاندنەکانن.

3- پارێزیی کردن لە ڕێگای خواردنێکی ڕێك و تەندروست، دابەزاندنی کێشی لەش، وەرزشێکی تەندروست، بە خاڵی سەرەکیی چارەسەری شەکرە دادەنرێن.

4- دەرمانەکانی شەکرە (حەب و ئینسۆلین و جۆرەکانی تر) ھەرکاتێ پێویستی کرد دەبێت بەکاربێت، نابێت بە قسەی نازانستیی گوایە فێری عیلاج دەبم، عیلاجی شەکرە نەخورێت.

5- شەکرە لە سەرتاسەری جیھاندا ڕوو لە بەرزبوونەوەیە، ھۆکاری سەرەکیش زیادبوونی کێشی لەش و تەمبەڵیی و کەم وەرزشیی، خواردنی ناتەندروست (زۆر خواردنی شەکرەکان و خواردنەوە گازییە پڕ شەکرەکان و شیرنەمەنییەکان و خواردنە خێراکان)ە، تکایە بۆ پاراستن لە تووشبوون لە شەکرە، دەبێ ڕێگریی لەم حاڵەتانەی سەرەوە بکرێت.

6- ھەندێك خواردنی ترەیدیشن-عەشایەریی کە باس دەکرێت بۆ شەکرە، ھەندێکیان دەشێت سوودێکی کاتییان ھەبێت، بەلام ھیچ کات جێگرەوەی پارێزییەکی باش و خواردنی دەرمانەکانی شەکرە نین.

7- لە ڕووی زانستییەوە تا ئێستا ئەوە نەسەلمێندراوە کە خواردنی ھەندێ گژو گیا و تاڵیی دەبێتە ھۆی چارەسەریی کۆتایی شەکرە، بۆیە دەبێ پرس بە پزیشک بکرێت پێش ھەر ھەنگاوێک.

8- چاک بوونەوەی یەکجاریی لە شەکرە ئەگەر مەحاڵیش نەبێت، زۆر قورسە، بەلام ڕێگریی کردن لە كاریگه‌ریه‌ لاوه‌كیه‌كانی و ماکە نەخوازراوەکانی کە باسکران، زۆر ئاسانە و دەتواندرێت کەسی تووشبوو بە شەکرە ژیانێکی زۆر ئاسایی بژیێت.


PM:02:22:22/11/2019




ئه‌م بابه‌ته 1256 جار خوێنراوه‌ته‌وه‌‌