بەرزبوونەوەی ڕێژەی کۆلیسترۆڵ (چەوری) لە خوێن زۆربەی جار هیچ نیشانەکی نیە کەسەکە هەستی پێبکات بەڵام ڕەنگە کەسەکە ڕووبەڕووی مەترسی تووشبوون بە نەخۆشی گیرانی بۆڕیەکانی خوێن لە دیواری دڵ و جەڵتەی مێشک و مردنی لەناکاو ، دكتۆر سه‌رده‌شت پزیشكی پسپۆڕی هه‌ناوی ورده‌كاری زیاتر له‌سه‌ر به‌رزی ڕێژه‌ی‌ چه‌وری خوێن باس ده‌كات.

لە حاڵەتی ئاسایی کۆلیسترۆڵ لە لایەن جگەر دروستدەکرێت و سوودی خۆی هەیە لە دروستبوونی دیواری خانەکانی لەش و چاڵاکی مێشک و درووستبوونی هۆڕمۆن و خەزنکردنی ڤیتامین.

بە گشتی دوو جۆر کۆلیسترۆڵ هەیە :

× LDL cholesterol زیانبەخشە

×HDL cholesterol سوودبەخشە

جۆرێکی تر چەوری هەیە پێی دەڵێن چەوریە سیانیەکان triglyceride کە ڕاستەوخۆ پەیوەندی هەیە بە تووشبوون بە نەخۆشی دڵ ئەگەر ڕێژەی زۆربەرزبوو لە خوێن.

خواردنی تەندروست دووربێت لە چەوریە تێرەکان . خواردنی سەوزە و میوە و دانەوێڵە بە توێکڵ و زۆر ئاو خواردن ڕێگردەبن لە چەوری زیانبەخش.

وەرزشکردن بە شێوەی ڕۆژانە و ڕێک دەبێتە کەمکردنەوەی کۆڵسترۆڵی زیان بەخش و بەرزکردنەوەی کۆلیسترۆڵی سوودبەخش. لە هەفتەیەک 150 دەقە وەرزشێکی مام ناوەندی پێویستە.

دوورکەوتنەوە لە جگەرەکێشان یان وازهێنان بە یەکجارەکی چونکە کێشانی جغارە دەبێتە تەسکبوونەوەی دیواری بۆڕی خوێن لە هەموو لەش .