تازه‌پێگه‌یشتوانی‌ پێشمه‌رگه‌ جامی‌ دووه‌میان پێشكه‌ش به‌ یانه‌كه‌یان كرد


پێشمه‌رگه‌ سپۆرت -

تیپی‌ تۆپی‌ باسكه‌ی‌ تازه‌پێگه‌یشتوانی‌ یانه‌ی‌ وه‌رزشی‌ پێشمه‌رگه‌ توانی‌ پله‌ی‌ دووه‌می‌ خولی‌ باسكه‌ی‌ لاوانی‌ یانه‌كانی‌ كوردستان به‌ده‌ست بهێنێت و جامی‌ دووه‌میان له‌ مه‌راسیمی‌ خه‌لاَت دابه‌ش كردن پێبه‌خشرا .

پاش به‌ده‌ست هێنانی‌ ئه‌و ئه‌نجامه‌ش ده‌سته‌ی‌ سه‌رپه‌رشتیاران و ڕاهێنه‌ر و یاریزانانی‌ تیپه‌كه‌ له‌لایه‌ن به‌ڕێز مه‌حمود ئه‌حمه‌د موراد جێگری‌ سه‌رۆكی‌ یانه‌ی‌ وه‌رزشی‌ پێشمه‌رگه‌ و سكرتێر و ئه‌ندامانی‌ ده‌سته‌ی‌ كارگێڕی‌ پێشوازی‌ كران .

له‌و دیداره‌ وه‌رزشییه‌دا و سه‌ره‌تا به‌ڕێز جێگری‌ سه‌رۆكی‌ یانه‌ی‌ وه‌رزشی‌ پێشمه‌رگه‌ پیرۆزبایی‌ خۆی‌ و یانه‌كه‌ی‌ ئاراسته‌ كردن كه‌ توانیان به‌ تیمێكی‌ تازه‌پێگه‌یشتوو له‌ خولی‌ باسكه‌ی‌ لاوانی‌ یانه‌كانی‌ كوردستان دا پله‌ی‌ دووه‌م به‌ده‌ست بهێنن و ئه‌و ده‌ست كه‌وته‌شی‌ به‌ مێژووی‌ وه‌سف كردوو هیوایی‌ به‌رده‌وامی‌ بۆ ستافی‌ سه‌رپه‌رشتیار و ڕاهێنه‌ر و یاریزانان خواست .

هه‌روه‌ك پاڵپشتی‌ یانه‌ی‌ بۆ دووپات كردنه‌وه‌ و ئاماژه‌ی‌ به‌وه‌دا كه‌ ئه‌وان داهاتووی‌ یاری‌ باسكه‌ن له‌ یانه‌كه‌دا و ده‌بنه‌ بناغه‌یه‌كی‌ پته‌و بۆ به‌هێزتر بوونی‌ تیپی‌ باسكه‌ی‌ یانه‌ی‌ پێشمه‌رگه‌ له‌ سالاَنی‌ ئاینده‌دا .

له‌ كۆتایشدا كامه‌ران محه‌مه‌د سه‌رپه‌رشتیاری‌ به‌شی‌ باسكه‌ی‌ یانه‌كه‌ سوپاسی‌ خۆی‌ و ڕاهێنه‌ر و یاریزانانی‌ ئاراسته‌ی‌ یانه‌كه‌یان كرد بۆ ئه‌و پاڵپشییه‌ به‌رده‌وامه‌ و دووپات یان كرده‌وه‌ ئه‌وان وه‌ك ناوی‌ خۆیان پارێزگاری‌ له‌ ناوی‌ یانه‌كه‌یان له‌ خول و پاڵه‌وانێتیه‌كان ده‌كه‌ن .



PM:04:03:12/11/2019




ئه‌م بابه‌ته 8277 جار خوێنراوه‌ته‌وه‌‌


زۆرترین خوێنراو‌
‌ ‌