‌تیروپشكی جامی سوپەری ئیسپانیا راكێشرا



 
 
پێشمه‌رگه‌ سپۆرت - 

یەكێی تۆپی پێی ئیسپانیا تیروپشكی جامی سوپەری ئیسپانیای راكێشا.

لەمساڵەوە جامی سوپەری ئیسپانیا بە شێوازێكی نوێ وبە بەشداری پاڵەوانی لالیگا و پاڵەوانی جامی شای ئیسپانیا و دووەم و سێیەمی لالیگا ئەنجام دەدرێت و یارییەكان لە هەشت بۆ 12ی مانگی یەك لە وڵاتی سعودیە بەڕێوەدەچێت.

بەو پێیە یانەی بەرشەلۆنە وەكو پاڵەوانی لالیگا و یانەی ڤالێنسیا وەكو پاڵەوانی جامی شا و ئەتلەتیكۆ مەدرید وەكو دووەمی لالیگا وریاڵ مەدریدش وەكو سێیەم بەشداریان كردووە .

ئەمڕۆ تیروپشكی یارییەكان ئەنجام درا و تێیدا بەرشەلۆنە رووبەرووی ئەتلەتیكۆ مەدرید دەبێتە و یانەی ریاڵ مەردیدش لەگەڵ ڤالێنسیا یاری دەكات .

یاری ریاڵ مەدرید و ڤالێنسیا لە هەشتی مانگی یەك ئەنجام دەدرێت و یارییەكەی بەرشەلۆنە وئەتلەتیكۆش یەك رۆژ دوای ئەو یارییە بەڕێوەدەچێت واتە نۆی مانگ ، یاری كۆتایش لە 12ی هەمان مانگ ئەنجام دەدرێت .


AM:08:52:12/11/2019




ئه‌م بابه‌ته 1870 جار خوێنراوه‌ته‌وه‌‌