پێشمهرگه سپۆرت - ههرێز جهمال
ئێوارەی ئەمڕۆ ۲٠۱۹/۹/۲٥ لەسلێمانی لاهور شێخ جهنگی پێشوازی لە (ڕیاز ئەحمەد ئەلعوبەیدی)وەزیری وەرزش ولاوانی عێراق کرد.
لەو دیدارەدا گفتوگۆ لەسەر ڕەوتی وەرزش لەعێراق وهەرێمی کوردستان کرا، بەتایبەتی لەماوەی چەند ساڵەی شەڕی دژ بەداعش وەرزش گەشەی نەکردوە.
لاهور شێخ جهنگی له چوارچێوهی دیدارهكه رایگهیاند ، لەئێستادا گرینگە زیاتر وباشتر گرینگی بەوەرزش بدەین وپشتیوانی خۆشی بۆهەموو جۆرە بەرنامە وپڕۆژەیەک دووپاتکردەوە کەلەخزمەتی وەرزش دا بێت.
لەو دیدارەدا جەخت كرایهوه کەوەزارەتی وەرزش ولاوانی عێراق، هەرێمی کوردستان لەپلانە وەرزشییە هەرێمایەتی ونێودەوڵەتییەکانیدا بێ بەش نەکات، لای خۆیەوە وهرزشی وهرزش و لاوان پلانەوەرزشییەکانی خستەڕوو بۆئەوەی ژێرخانی وەرزشی لەعێراق ولەکوردستان هەنگاوی گەورەبنێت وببوژێتەوە.
تەوەرێکی تری کۆبونەوەکە باسکردن بوو لەبارودۆخی گەنجان ولاوان وبنیاتنانەوەی کەسایەتی ئەم توێژە بەهزرێکی کراوە ومەدەنییانە.