‌10 ڕێنمای دڵت له‌ نه‌خۆشی ده‌پارێزێت - وه‌رزش گرنگترینیانه‌




ته‌ندروستی‌ - 

دڵ یه‌كێكه‌ له‌ ئه‌ندامه‌ سه‌ره‌كیه‌كانی جه‌سته‌ هه‌ر ئه‌وه‌نده‌ی‌ له‌كاربكه‌وێت مرۆڤ ده‌مرێت، بۆ دووربوون له‌ توشبوون به‌ نه‌خۆشیه‌كانی دڵ پێویسته‌ ئه‌م ڕێنماییانه‌ له‌به‌رچاو بگریت.

1-چەوری کۆڵستڕۆڵت ڕێک بکەره‌وە.

- چەوری كۆڵستڕۆڵی گشتی كەمتر بێت (total cholesterol )لە ٢٠٠ ملگم\دسلتر
-چەوری سود بەخشی فرەچڕ (HDL)؛ زیاتر بێت لە ٤٠ مگم/دسلتر.
-چەوری زیان بەخشی کەم چڕ (LDL): پێویستە لە خوار ١٠٠مگم/دسلتر بێت ،بۆ كەسانێك كە نەخۆشی شەكرە و سستبوونی گورچیلەیان هەیە باشترە كەمتر بێت لە ٧٠ ملگم\دسلتر .
-بە گوێرەی ڕاسپاردەکانی کۆنگرەی کۆمەڵەی دڵی ئەورپی کە لە ٣١ ئابی ٢٠١٩ بڵاو کراوەتەوە ئەو پێوەرانە گۆڕانکاری بەرچاویان بەسەردا ھاتووە.

2- واز لە کێشانی جگەرەو نەرگیلە بھێنە.

3-دووربە لە فشار و تەنگژەی دەروونی بەردەوام.

4-شەکرەی خوێنت کۆنتڕۆڵ بێت بۆ ئەو کەسانەی شەکرەیان ھەیە واتا شەکرەی بەیانیان پێش نان دەبێت کەمتر لە ١٣٠ مگم/دسلتر و دوو کاژێر دوای نان کەمتر لە ١٨٠ مگم/دسلتر و شەکرەی سێ مانگی کەمتر لە ٦.٥ بۆ کەسانی تەمەن گەنج.

5- پەستانی خوێنت نموونەیی بێت واتا کەمتر لە ١٢٠\٨٠ ملم جیوە یاخود ئاسایی بێت واتا لە خوار ١٣٠\٨٥ ملم جیوە بێت .

6-بەردەوام بە لەسەر وەرزش و ڕاھێنان لانی کەم ھەفتانە بۆ ماوەی ١٥٠ خولەک ڕاکردن یاخود پاسکیل سواری.

7- بەدوور بە لە خواردنی چەور و سورەکراوە و زیادە خوێ و پڕ وزە.

8- گرنگی زیاتر بدە بە خواردنی سەوزە و میوە و مادە ڕیشاڵیەکان.

9-کێشت نموونەیی بێت واتا BMI لە نێوان ١٨.٥ بۆ ٢٤.٩ بێت.

10- بەدوور بەخواردنەوەی مەشروبات و وورگ دانان بەجۆرێک ئەستوری کەمەر بۆ پیاوان کەمتر لە ١٠٢ سم ( ٤٠ ئینج) و بۆ ژنان کەمتر لە ٨٨ سم ( ٣٥ ئینج ).



PM:02:53:05/09/2019




ئه‌م بابه‌ته 900 جار خوێنراوه‌ته‌وه‌‌