دڵه‌ كزێ بریتیە لە ئازار و سوتانەوە لە ژێر کۆڵەی سنگ دەرەنجامی گەڕانەوەی ترشەڵوک و شلاوی گەدە بۆ ناو سورێنچک ،ئەگەر دڵەکزێ دووبارە بووەوە بۆ زیاتر لە دوو جار لە ھەفتەیەکدا واتا گەڕانەوەی ترشەڵۆک (حموزه‌) GERD ,بە ھۆی شلبوونەوەی گوشەر (صمام ) نێوان گەدە و سورێنچکە و ھیچ پەیوەندی بە دڵەوە نیە، دكتۆر هەرێم کریم احمد  پسپۆری نەخۆشیەکانی هەناوی و دڵ و شەکرە له‌م بابه‌ته‌دا نیشانه‌ و هۆكار و چۆنیه‌تی چاره‌سه‌ری ئه‌م حاڵه‌ته‌ ڕوون ده‌كاته‌وه‌. 

١- ئازاری سەر كۆڵەی سنگ

٢- هێڵنج دان لە دوای نان خواردن

٣- زوو تێر بوون لەسەر سفرە

٤- كۆكەی ووشك

٥- تاڵی و گەڕانەوەی خواردنی گەدە بۆ ناو دەم

٦- زیادبوونی نیشانە و دەرکەوتەکانی بە پاڵ کەوتن یان چەمینەوە بۆ پێشەوە.

- خواردنی تون و تیژ

- پیاز

- سرکەی میوە ( سێو ،ترێ ،ئەنەناس )

- دۆشاوی تەماتە و کەچەپ

- خواردنی سورە کراوەو چەور

- چۆکلێت و شیرینی

- مەشروبات و گیراوە گازیەکان

-چاو و قاوە

- زۆر خواردن

-دەرمان وەک ئەسپرین و پرۆفین

- قەڵەوی و دووگیان بوون لە ئافرەتاندا ئەگەری دڵە کزێ زیاد دەکات .

- لە ھەندێ باردا فتقی گەدە (گەدەەپۆس) hiatus hernia.

١- دوورکەوتنەوە لەو خواردنانەی سەرەوە بەتایبەت لە ئێواراند .

٢-دابەزاندنی کێش لە کەسانی قەڵەودا.

٣ - وازهێنان لە جگەر کێشان و ئەلکھول .

٤- وازهێنان لە خواردن و خواردنەوە ( ٢بۆ ٣ ) کاژێر پێش خەوتن.

٥- خەوتن لەسەر لای چەپ تا بەرەبەیان پاشان کەوتنەوە سەر لای ڕاست.

٦-دوورکەوتنەوە لە فشارو تەنگژەی دەروونی و پاڵنەرەکانی قەلەقی.

٧- بەکارنەهێنانی جلی تەسک و نەبەستنی پشتێن و قایشی توند.

٨- سەرت بەرز بێت لە کاتی خەوتندا باشترە لە کەمەر بەرە سەرەوە بە نیزیکەی ٨ ئینج ( ٢٠ سم ).

٩ - دوورکەوتنەوە لە خواردنی چەور و قورس .

١٠- دوورکەوتنەوە لە پاڵ کەوتن ڕاستەوخۆ دوای نان خواردن .

-بەکارھێنانی دەرمانی وەک دژە ترشەڵۆک Anta acid کە دەوای ژەمەکان و پێش خەوتن دەخورێت.

- گروپی H2 receptor blocker بە نموونەی حەپی زانتاک .

-باشترینیان گروپی PPI(بە نموونەی لۆسیک و نێکسیەم و پانتۆپڕازۆڵ )

-نەشتەرگەری لە ئەگەری سوود نەبوونی دەرمان .

لە ئەگەری چەند بارە بوونەوەو زیاد بوونی نیشانەکانی ،

- ھەناوبینی گەدەOGD 

- پێوانی ٢٤ کاتژمێری ترشی گەدە24 hour probe testing

- وێنەی تیشکی ئێکس دوای خواردنەوەی دەرمانی ڕەنگدار barium follow through .