‌نوستن كه‌متر له‌ 6 كاتژمێر هۆكاری توشبوونه‌ به‌ نه‌خۆشیه‌كی مه‌ترسیدار



 
ته‌ندروستی‌ - 

پرۆفیسۆر پۆل گرینگراس ده‌رئه‌تجامه‌كانی توێژینه‌وه‌یه‌كی نوێی ئاشكرا كرد كه‌ تیایدا زیانه‌كانی نوستنی كه‌متر له‌ 6 كاتژمێر سه‌لمێندراوه‌، له‌م توێژینه‌وه‌یه‌دا ئه‌و كه‌سانه‌ی‌ كه‌متر له‌ 6 كاتژمێر ده‌خه‌ون له‌ شه‌و و ڕۆژێكدا ئه‌وه‌ مه‌ترسی توشبونیان هه‌یه‌ به‌ نه‌خۆشیه‌كانی دڵ.

له‌م توێژینه‌وه‌یه‌دا زیاتر له‌ هه‌زار خۆبه‌خش به‌ژداریان كردوه‌ له‌ به‌ریتانیا و %44 یان ڕۆژانه‌ كه‌متر له‌ 6 كاتژمێر نوستوون و %17 یان ڕۆژانه‌ 8 كاتژمێر نوستوون.

ده‌رئه‌نجامی توێژینه‌وه‌كه‌ ئه‌وه‌ی‌ سه‌لماندوه‌ ئه‌و كه‌سانه‌ی‌ ڕۆژانه‌ كه‌متر له‌ 6 كاتژمێر ده‌خه‌ون ئه‌وه‌ مه‌ترسی توشبونیان به‌ نه‌خۆشیه‌كانی دڵ زۆره‌ به‌ ڕێژه‌ی‌ %60 و جگه‌ له‌وه‌ش ئه‌گه‌ری توشبونیان به‌ به‌رز بوونه‌وه‌ی‌ په‌ستان و كۆلیستڕۆڵی زیان به‌خشی خوێن هه‌یه‌.

له‌گه‌ڵ ئه‌مانه‌شدا كه‌مخه‌وی یه‌كێكه‌ له‌ هۆكاره‌كانی قه‌ڵه‌وی و له‌ده‌ستدانی توانای ماسولكه‌كان و لاواز بوونی توانای یاده‌وه‌ری و ته‌نانه‌ت كار له‌ ترشی گه‌ردی ناو جه‌سته‌ی‌ مرۆڤ ده‌كات هاوشێوه‌ی‌ كێشانی جگه‌ره‌ و ماندوێتی.

وه‌رزشكردن و چالاكی جه‌سته‌ی‌ هاوكاری خه‌وێكی قوڵ ده‌بن و %85 ی ئه‌و كه‌سانه‌ی‌ ئه‌م ڕێگه‌یه‌یان تاقی كردۆته‌وه‌ سه‌ركه‌وتنیان به‌ ده‌ست هێناوه‌ له‌ ده‌ستكه‌وتنی خه‌وێكی ئارام.



PM:03:10:22/08/2019




ئه‌م بابه‌ته 1451 جار خوێنراوه‌ته‌وه‌‌