فه‌رمی‌.. فرانك ریبیری‌ گرێبه‌ستی‌ له‌گه‌ڵ یانه‌یه‌كی‌ چاوه‌ڕواننه‌كراو واژووكرد



 
پێشمه‌رگه‌ سپۆرت -

به‌ شێوه‌یه‌كی‌ فه‌رمی‌ یانه‌ی‌ فیۆرنتینای‌ ئیتاڵی‌ به‌ گرێبه‌ستێكی‌ ئازاد فرانك ریبیری‌ فه‌ڕه‌نسی‌ ویاریزانی‌ پێشووی‌ بایرن میونخی‌ گواسته‌وه‌ ریزه‌كانی‌ . 

له‌ به‌یاننامه‌یه‌كی‌ فه‌رمیدا یانه‌ی‌ فیۆرنتینا ئاشكرای‌ كردووه‌ كه‌ به‌ گرێبه‌ستێكی‌ ئازاد فرانك ریبیری‌ فه‌ره‌نسیان گواسته‌وه‌ یانه‌كه‌یان و ئه‌مرۆش زیاد له‌ 300 هانده‌ری‌ ئه‌و یانه‌ ئیتاڵیه‌ چاوه‌ڕیی هاتنی‌ ئه‌و ئه‌ستێره‌یه‌ بوو .

فیۆرنتینا ئه‌وه‌شی‌ خستۆته‌ روو كه‌ بۆ ماوه‌ی‌ دوو وه‌رز گرێبه‌ستیان له‌گه‌ڵ ریبیری‌ واژووكردووه‌ .

ریبیری‌ له‌ ساڵی‌ 2007 رویكرده‌ بایرن میونخ وله‌گه‌ڵ ئه‌و یانه‌یه‌ 21 نازناوی‌ بردۆته‌وه‌


PM:03:19:21/08/2019




ئه‌م بابه‌ته 1280 جار خوێنراوه‌ته‌وه‌‌