هه‌واڵ- وێنه‌ : كوڕانی‌ پێشمه‌رگه‌ نازناوه‌كه‌یان بۆ نۆیه‌مین جار هێنایه‌وه‌ شاری‌ سلێمانی‌

پێشمه‌رگه‌ی‌ پاڵه‌وان - وێنه‌كان : ئه‌حمه‌د كاوانی‌


پێشمه‌رگه‌ سپۆرت -

تیپی‌ باله‌ی‌ كوڕانی‌ یانه‌ی‌ وه‌رزشی‌ پێشمه‌رگه‌ توانی‌ به‌ بردنه‌وه‌ یه‌ك له‌ دوایی‌ یه‌كه‌كانی‌ و له‌ چوارچێوه‌ی‌ خولی‌ باله‌ی‌ یانه‌كانی‌ كوردستان بۆ ئاستی‌ بژارده‌ پله‌ی‌ یه‌كه‌م به‌ده‌ست بهێنێت ، ئه‌مه‌ش پاش ئه‌وه‌ی‌ له‌ دوو قۆناغی‌ یاریه‌كان و به‌ بێ‌ شكست شه‌ش سه‌ركه‌وتنی‌ یه‌ك له‌ دوایی‌ یه‌كی‌ نوسییه‌وه‌ و پله‌ی‌ یه‌كه‌می‌ و جامی‌ خوله‌كه‌ی‌ به‌رز كرده‌وه‌ .

له‌ دوا یاری‌ خوله‌كه‌ كه‌ له‌ نێو هۆڵی‌ یانه‌ی‌ شه‌قلاَوه‌ به‌ڕێوه‌ چوو ، تیپی‌ باله‌ی‌ یانه‌ی‌ پێشمه‌رگه‌ بونه‌ میوانی‌ كوڕانی‌ شه‌قلاَوه‌ و دوایی‌ یاریه‌كی‌ به‌هێز سه‌رئه‌نجام كوڕانی‌ پێشمه‌رگه‌ی‌ سلێمانی‌ توانیان بردنه‌وه‌ به‌ ئه‌نجامی‌ 3-1 گێم به‌ده‌ست بهێنن و به‌و ئه‌نجامه‌ش بۆ نۆیه‌مین جار له‌ مێژووی‌ خۆیاندا نازناوی‌ خوله‌كه‌یان به‌ده‌ست هێنا .

ئه‌مه‌و پله‌ی‌ دووه‌می‌ خوله‌كه‌ بۆ یانه‌ی‌ شه‌قلاَوه‌ بوو هه‌روه‌ك پله‌ی‌ سێهه‌م و چواره‌می‌ ڕیزبه‌ندی‌ بۆ یانه‌كانی‌ شۆڕیجه‌ی‌ كه‌ركوك و نیشتیمانی‌ شاری‌ هه‌ولێر بوو .


PM:11:05:03/08/2019




ئه‌م بابه‌ته 3150 جار خوێنراوه‌ته‌وه‌‌