یه‌كێتی‌ ناوه‌ندی‌ شه‌تڕه‌نجی‌ كوردستان پیرۆزبایی‌ له‌ یانه‌ی‌ پێشمه‌رگه‌ی‌ سلێمانی‌ ده‌كات

تیپی‌ شه‌تڕه‌نجی‌ یانه‌ی‌ وه‌رزشی‌ پێشمه‌رگه‌


پێشمه‌رگه‌ سپۆرت -

پاش ئه‌وه‌ی‌ له‌ كۆی‌ چوارده‌ یانه‌ی‌ به‌شداری‌ خولی‌ نایابی‌ شه‌تڕه‌نجی‌ كوڕانی‌ یانه‌كانی‌ كوردستان پله‌ی‌ یه‌كه‌م یان به‌ده‌ست هێنا و بۆ جاری‌ دووه‌م نازناوی‌ پاڵه‌وانێتیه‌كه‌یان هێنایه‌وه‌ یانه‌ی‌ پێشمه‌رگه‌ ، یه‌كێتی‌ ناوه‌ندی‌ شه‌تڕه‌نجی‌ كوردستان به‌ نوسراوێكی‌ فه‌رمی‌ پیرۆزبایی‌ له‌ یانه‌ی‌ پێشمه‌رگه‌ ده‌كات .

له‌و نوسراوه‌ی‌ یه‌كێتی‌ شه‌تڕه‌نجی‌ كوردستان هاتووه‌ ، به‌ بۆنه‌ی‌ به‌ده‌ست هێنانی‌ پله‌ی‌ یه‌كه‌م له‌سه‌ر ئاستی‌ یانه‌ نایابه‌كانی‌ كوردستان له‌ شاری‌ سلێمانی‌ به‌ ڕكابه‌ری‌ كردن له‌گه‌ڵ 14 یانه‌ی‌ وه‌رزشی‌ دیكه‌ی‌ كوردستان ، هه‌ر به‌و بۆنه‌یه‌وه‌ ئێمه‌ وه‌ك یه‌كێتی‌ شه‌تڕه‌نجی‌ كوردستان پیرۆزبایی‌ و ده‌ست خۆشیتان لێده‌كه‌ین و بێگومان به‌ده‌ست هێنانی‌ ئه‌م ئه‌نجامه‌ دڵخۆشكه‌ره‌ ده‌رئه‌نجامی‌ پشتگیری‌ و خه‌مخۆری‌ سه‌رۆك و ده‌سته‌ی‌ كارگێڕی‌ یانه‌كه‌تانه‌ بۆ سه‌رپه‌رشتیار و ڕاهێنه‌ر و یاریزانه‌كانتان كه‌ مایه‌ی‌ پێزانینی‌ ئێمه‌یه‌ .

ئه‌مه‌ش ده‌قی‌ پیرۆزباییه‌كه‌ی‌ یه‌كێتی‌ ناوه‌ندی‌ شه‌تڕه‌نجی‌ كوردستانه‌ بۆ یانه‌ی‌ وه‌رزشی‌ پێشمه‌رگه‌ی‌ سلێمانی‌ .


PM:03:20:16/07/2019




ئه‌م بابه‌ته 2581 جار خوێنراوه‌ته‌وه‌‌


زۆرترین خوێنراو‌
‌ ‌