ڕۆژی‌ پێنجشه‌ممه‌ 7 ی‌ 4 ی‌ 2019 ،  به‌ئاماده‌بوونی‌ سه‌رۆك و جێگرانی‌ سه‌رۆك و  ئه‌مینداری دارایی و ئه‌ندامانی ده‌سته‌ی‌ راپه‌راندن  كۆبوونه‌وه‌ی‌ ئاسایی مه‌كته‌بی ته‌نفیزی لێژنه‌ی‌ ئۆلۆمپی‌ هه‌رێمی كوردستان به‌رێوه‌چوو 

 شاندی  لێژنه‌ی‌ ئۆلۆمپی‌ هه‌رێمی كوردستان بۆ به‌غدا و كۆبوونه‌وه‌ له‌گه‌ڵ نوێنه‌رانی‌ كورد له‌ئه‌نجومه‌نی‌ نوێنه‌رانی‌ عێراق و وه‌هه‌روه‌ها  كۆبوونه‌وه‌ له‌گه‌ڵ لێژنه‌ی‌ وه‌رزش و لاوان له‌په‌رله‌مانی‌ عێراق به‌مه‌به‌ستی‌ گفتوگۆكردن  له‌پرۆژه‌ یاسایی  لێژنه‌ی‌ ئۆلۆمپی‌  عێراق

هه‌روه‌ها له‌كۆبوونه‌وه‌كه‌دا سه‌ردانی‌ شاند به‌سه‌ركه‌وتوویی  هه‌ژمار كرا كه‌ یه‌كه‌م  نوێنه‌رانی‌ كورد به‌شدارن له‌خوێندنه‌وه‌ بۆ پرۆژه‌ یاسایی لێژنه‌ی‌ ئۆلۆمپی‌ عێراقی و ده‌سته‌به‌ركردنی مافی وه‌رزشوانانی‌ هه‌رێم له‌پرۆژه‌ یاساكه‌دا  

هه‌روه‌ها له‌كۆبوونه‌وه‌كه‌دا سوپاسی‌ هه‌ریه‌ك له‌د.دیار و خاتوو ئاره‌زوو ئه‌ندامانی‌ ئه‌ندامانی‌ كورد له‌ئه‌نجومه‌نی‌ نوێنه‌رانی‌ عێراق كرا كه‌ هاوكار و پالپشتن بوون كه‌مافی وه‌رزشوانانی‌ هه‌رێم له‌پرۆژه‌ یاسایی لێژنه‌ی‌ ئۆلۆمپی‌ عێراقی دیاری بكرێت و وه‌ نوێنه‌رانی‌ لێژنه‌ی‌ ئۆلۆمپی‌ به‌شداربن له‌پرۆژه‌ یاساكه‌ بۆ ئه‌وه‌ی‌ تێبینی‌ و داواكارییه‌كان بدرێن به‌لێژنه‌كه‌ به‌مه‌به‌ستی‌ خوێندنه‌وه‌ و ده‌نگدان له‌سه‌ری كه‌له‌ئێستا پرۆژه‌ یاساكه‌ له‌ده‌ستپێكی‌ خوێندنه‌وه‌كانیه‌تی‌ له‌ئه‌نجومه‌نی‌ نوێنه‌ران به‌مه‌به‌ستی‌ ده‌نگدان له‌سه‌ری

هه‌ر له‌كۆبوونه‌وه‌ی‌ ئه‌مرۆی لێژنه‌ی‌ ئۆلۆمپی‌ كوردستان بریار له‌سه‌ر پێكهێنانی‌ لێژنه‌یه‌ك درا به‌مه‌به‌ستی‌ سه‌ردانی‌ بۆ نوێنه‌رایه‌تی‌ شاره‌كانی هه‌رێم و لقی یه‌كێتیه‌ وه‌رزشیه‌كان له‌سه‌ر ئه‌جامدانی‌ چالاكی و كاركردنیان 

له‌كۆبوونه‌وه‌ی‌ لیژنه‌ی‌ ئۆلۆمپی‌ هه‌رێمی كوردستان بریاریشدرا ئه‌و یه‌كێتیه‌ وه‌رزشیانه‌ بانگێهشت و ئاگاداربكرێنه‌وه‌ كه‌ تائێستا چالاكیان ئه‌نجام نه‌داوه‌ به‌مه‌به‌ستی‌ ڕوونكردنه‌وه‌ و هۆكار چیه‌ كه‌ چاڵاكیان نیه‌.