رۆژنامه‌یه‌كی‌ ئیسپانی‌ هه‌واڵێكی‌ چاوه‌ڕواننه‌كراو له‌سه‌ر مارسیلۆ بڵاو ده‌كاته‌وه‌

 
پێشمه‌رگه‌ سپۆرت -

رۆژنامه‌ی‌ سپۆرتی‌ ئیسپانی‌ جه‌ختده‌كاته‌وه‌ كه‌ مارسیلۆ داسێلڤای‌ به‌ڕازیلی‌ وبه‌رگریكاری‌ یانه‌ی‌ ریاڵ مه‌درید داوای‌ رۆشتنی‌ له‌ یانه‌كه‌ی‌ كردووه‌ . 
رۆژنامه‌ی‌ سپۆرتی‌ كه‌ته‌لۆنی‌ ئاماژه‌ی‌ به‌وه‌ كردووه‌ كه‌ مارسیلۆ داوای‌ له‌ كارگێڕی‌ یانه‌كه‌ی‌ كردووه‌ رێگه‌ی‌ بده‌ن تیپه‌كه‌ جێبهێڵێت ، به‌تایبه‌ت كه‌ وه‌رزی‌ داهاتوو له‌ لایه‌ن زیدانه‌وه‌ به‌شێوه‌یه‌كی‌ گه‌وره‌ پشت به‌ تواناكانی‌ نابه‌سترێت .

ئه‌و سه‌رچاوه‌یه‌ باس له‌وه‌ش ده‌كات كه‌ له‌ زووترین كاتدا ئه‌و به‌رگریكاره‌ به‌ڕازیلیه‌ له‌گه‌ڵ پیرێز كۆده‌بێته‌وه‌و داوای‌ رۆشتن ده‌كات . 

جێگه‌ی‌ ئاماژه‌یه‌ یانه‌كانی‌ پاریس سانجێرمان و یۆڤانتۆس وئارسیناڵ ومیلان ئاره‌زووی‌ گواستنه‌وه‌ی‌ مارسیلۆ ده‌كه‌ن . 



PM:03:05:04/07/2019




ئه‌م بابه‌ته 4039 جار خوێنراوه‌ته‌وه‌‌