ئەم هەڵانە زیان بە مێشكت دەگەیەنن



 
پێشمه‌رگه‌ سپۆرت -

 لە سەرەتای تەمەنەوە كاتێك گرنگی بە تەندروستی مێشكت بدەیت ئەوە كاتێك دەچتە تەمەنەوە لە توشبوون بە نەخۆشی پارێزراو دەبیت.

پارێزگاریكردن لەتەندروستی مێشك دەبێتە هۆی زامنكردنی ژیانێكی زیاتر ئارام و ئاسوودە لەكاتی بەساڵاچووندا، هەندێك رەفتار هەیە كە زیانێكی زۆر بە مێشك دەگەیەنێت و دەبێتە هۆی لەناوبردنی كەپێویستە لێی دووربكەوینەوە ئەوانیش:

1- كەم خەویی: سەرباری زیادبوونی ئەرك و كاروبارەكان ، نابێت مرۆڤ دەستبەرداری كاتی گونجاوی خەوتن بێت، بەپێی لێكۆڵینەوەكان پەیوەندی هەیە لەنێوان كەم خەوی و زیادبوونی مەترسی تووشبوون بە لەبیرچوونەوە و زەهایمەر.

2- دابڕان و تەنیایی لەرووی كۆمەڵایەتی: ئەو كەسانەی خاوەنی بازنەیەكی كۆمەڵایەتین زیاتر هەست بە دڵخۆشی دەكەن بەراورد بەو كەسانەی دوورەپەرێزن و تەنیایی و دابڕان تووشبوون بە زەهایمەر زیاد دەكات.

3- زیادەڕەویی لەژەمەخۆراكە خێراكان: زیادەڕەویی كردن لەم جۆرە خواردنانە هەڕەشە لەسەر تەندروستی مێشك دروست دەكات و دەبێتە هۆی كەمبوونەوەی توانای مێشك و خێراتركردنی پرۆسەی پیربوونی مێشك.

4- سەماعەی گوێ: زۆر بەكارهێنانی سەماعەی گوێ ئەگەر بەكەمترین ئاستی دەنگیش بێت كاریگەری لەسەر مێشك هەیە و زیانی پێدەگەیەنێت ، بەپێی لێكۆڵینەوەكان زیادەڕەوەیكردن لەبەكارهێنانی سەماعە پەیوەندی هەیە بە لەدەستدانی بیستن لای بەساڵاچووان و زیادبوونی تووشبوون بەزەهایمەر.

5- تەمەڵی: سەرقاڵبوون بە كاروباری نوسینگە و كەمی جووڵە و دانیشتن بەدیار تەلەفزیۆنەوە بۆماوەیەكی زۆر زیانی بۆ تەندروستی مێشك هەیە و هەركاتێك جووڵەی جەستە كەم بێت ئەوا مەترسی تووشبوون بە خەڵەفاویی و چەندین نەخۆشی دیكەی وەك شەكرەو نەخۆشیەكانی دڵ و بەرزەپەستانی خوێن زیاد دەكات.

6- جگەرەكێشان: ئەم خووە خراپە دەبێتە هۆی بچووكبوونەوەی قەبارەی مێشك و دروستكردنی كاریگەری لەسەر بیرەوەریی و زیادبوونی تووشبوون بە لەبیرچوونەوە دوو هێندە بەراورد بەو كەسانەی جگەرەناكێشن.

7- زیادەڕەویكردن لەخواردن: خواردنی برێكی زۆر خۆراك بەیەكجار دەبێتە هۆی كەمبوونەوەی توانای مێشك بۆ بنیادنانی تۆڕی بەهێز بۆ بیركەوتنەوەی رووداوەكان و بیركردنەوە.

8- تاریكی: زۆر دانیشتن لە تاریكی و نەچوونە بەردەم تیشكی خۆر زیانی بۆ تەندروستی هەیە و دەستنەكەوتنی تیشكی سروشتی دەبێتە هۆی زیادبوونی تووشبوون بەخەمۆكی و ئەوەش كاریگەری لەسەر تەندروستی مێشك دەبێت.



PM:02:57:27/06/2019




ئه‌م بابه‌ته 810 جار خوێنراوه‌ته‌وه‌‌